1 year ago
March 8, 2023
काठमाडौं (हाम्रो खेलकुद) – नेपाली क्रिकेट टोलीका युवा ब्याटर रोहित पौडेल ओडिआई क्रिकेटमा नेपालबाट सर्वाधिक सफल कप्तान बनेका छन् । २० वर्षीय रोहित ओडिआईमा नेपालबाट सर्वाधिक खेलमा कप्तानी गर्ने र जित्ने खेलाडी बनेका छन् ।
आइसिसी विश्वकप लिग–२ त्रिकोणात्मक ओडिआई सिरिजमा युएईसँग अन्तिम खेलपछि रोहित नेपालबाट ओडिआईमा सर्वाधिक सफल कप्तान बनेका हुन्। रोहितले नोभेम्बरमा युएईसँग तीन ओडिआई खेलको सिरिज अन्तर्गत १४ नोभेम्बरमा टियु मैदानमा कप्तानी गरेका थिए । पहिलो खेलमा नेपाल पराजित भएपनि रोहितले त्यसपछि सानदार प्रदर्शन र कप्तानी गर्दै आएका छन् ।
रोहितले नेपालबाट १५ खेलमा कप्तानी गर्दा ९ मा जित, ५ मा हार र १ खेल नजिता बिहीन बनेको थियो । रोहितले आइसिसी विश्वकप लिग-२ मा पछिल्ला ८ मध्य ७ खेल जिताएका छन् । रोहितपछि सन्दीप लामिछानेले २०२२ मा १४ खेलमा कप्तानी गर्दा ४ मा जित, ९ मा हार र १ खेल नतिजा विहीन बनेको थियो।
रोहितपछि नेपालबाट ओडिआईमा सर्वाधिक जित दिलाउने कप्तान ज्ञानेन्द्र मल्ल हुन् । ज्ञानेन्द्रले २०२०/२०२१ मा १० खेलमा कप्तानी गर्दा ६ मा जित र ४ मा हार व्येहोरेका थिए । पारस खड्काले २०१८–२०१९ मा ६ खेलमा कप्तानी गर्दा ३ मा जित र ३ मा हार व्येहोरेका थिए ।
टि२० आईमा सन्दीप सर्वाधिक बढी जित दिलाउने कप्तान हुन् । सन्दीपले २०२२ मा १८ टि२० आई खेलमा कप्तानी गर्दा १३ मा जित र ५ मा हार व्येहोरेका छन् ।
ज्ञानेन्द्र मल्लले २०१९ देखि २०२१ सम्म १२ टि२० आई खेलमा नेपालको कप्तानी गर्दा ९ मा जित र ३ मा हार व्येहोरेको थियो ।२०१४ देखि २०१९ सम्म पारस खड्काले २७ टि२० आई खेलमा कप्तानी गर्दा ११ मा जित, १५ मा हार र १ खेल नजिता विहीन बनेको थियो ।
May 15, 2024
काठमाडौं (हाम्रो खेलकुद)- क्रिकेटर सन्दीप लामिछानेले बलात्कार मुद्दामा सफाइ पाएका छन्। काठमाडौं जिल्ला अदालतबाट बलात्कार मुद्दामा दोषी ठहर भएका क्रिकेटर सन्दीपले ले उच्च अदालत, पाटनबाट सफाइ पाएका हुन्।उच्च अदालत, पाटनका न्यायाधीशद्वय सुदर्शनदेव भट्ट र अञ्जु उप्रेती ढकालको इजलासले यो निर्णय गरेको हो।मंगलबार र बुधबार लगातार भएको सुनुवाइपछि उच्च अदालतको यो निर्णय आएको हो।जिल्ला अदालतको फैसलाविरुद्ध लामिछानेले गत फागुन […]
May 15, 2024
काठमाडौँ (हाम्रो खेलकुद) – टियु क्रिकेट मैदानमा जारी ललितपुर मेयर्स कपमा बागमती प्रदेशले पहिलो जित दर्ता गरेको छ । पहिलो जित दर्ता गर्ने क्रममा बागमतीले वर्षाले प्रभावित खेलमा जितविहिन कोशी प्रदेशलाई ८ विकेटले हराएको हो । ढिलो सुरुवात भएका कारण १३ ओभरमा घटाइएको खेलमा बागमतीले कोशीले पस्किएको ६४ रनको लक्ष्य ११.२ ओभरमा २ विकेट गुमाएर […]
May 15, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीले आइसीसी टि२० विश्वकपमा प्रयोग गर्ने जर्सी किट निर्माण गर्ने कम्पनी केल्मीले आम समर्थकका लागि जर्सी नेपालभर डेलिभर गर्ने भएको छ । केल्मीले ३६ सय रुपैयाँमा जर्सी विक्री गर्दैछ । यसअघि प्रि-अर्डरको विशेष अफरमा २५ सय रुपैयाँमा बुकिङ खुल्ला गरिएको थियो भने त्यो अफर समाप्त भइसकेको छ । […]