काठमाडौं (हाम्रो खेलकुद) – नेपालले आइसिसी विश्वकप लिग-२ त्रिकोणात्मक ओडिआई सिरिज अन्तर्गत बिहीबार घरेलु मैदान टियुमा पपुवा न्युगिनीसँग खेल्दैछ । खेल बिहान ९ : ३० मा सुरु हुनेछ । आइसिसी विश्वकप लिग–२ को अन्तिम सिरिज हो । नेपाललाई शीर्ष तीनमा रहँदै आगमी जुन जुलाईमा जिम्बावेमा हुने विश्वकप छनोट सोझै खेल्न सबै खेल जित्नुपर्ने छ ।

शीर्ष पाँचमा रहँदै सोझै ओडिआई मान्यता बचाउन बाँकी चार मध्य दुई खेल जित्नुपर्ने हुन्छ । नेपाल घरेलु मैदानमा चार खेलमा चारमा जितका साथ ओडिआई मान्यता बचाउँदै सोझै विश्वकप छनोट खेल्न चाहन्छ । नेपालले दुई साताअघि घरेलु मैदानमा स्कटल्यान्ड र नामिबियालाई समान दुवै खेलमा हराएको थियो । युएई भ्रमणमा पपुवा न्युगिनीलाई दुवै खेलमा हराएको थियो ।

युएईसँग एक खेलमा जित र हार थियो । नेपालले पछिल्लो खेलमा युएईलाई ४२ रनले हराएको थियो । त्यो टोलीबाट नेपालले एक खेलाडी परिवर्तन गर्ने सम्भावना छ । ओपनर कुशल भुर्तेलले अन्तिम खेल युएईसँग गुमाएका थिए । कप्तान रोहित पौडेलले पिएनजीविरुद्ध खेलको लागि कुशल फिट रहेको बताएका छन् ।

कुशल फिट हुँदा नेपालले एक खेलाडीलाई बेन्चमा राख्नु पर्ने हुन्छ । बेन्चमा बस्ने खेलाडीमा ज्ञानेन्द्र मल्ल र प्रतिश जि.सी मध्य एकको सम्भावना देखिन्छ । पछिल्लो खेलमा भीम सार्कीले ७० रनको विजयी इनिङ खेलेका थिए । आसिफ शेखले लगातार राम्रो प्रदर्शन गर्दै आएका छन् । कुशल मल्लको प्रदर्शन सानदार छ । दीपेन्द्र र आरिफ शेखको त्यो कुनैपनि सम्भावना देखिदैन । करण केसी र सोमपाल कामी पहिलो रोजाईका ओपनर हुन् ।

ज्ञानेन्द्र युएईसँग २६ बलमा २ चौकासहित ११ रनमा आउट भएका थिए । कुशल नहुँदा ज्ञानेन्द्रले ओपनिङ गरेका थिए । प्रतिशले ५ ओभरमा १४ रन खर्चेका थिए । टियुको पिचमा तीव्र गतिका बलरलाई भन्दा स्पिनरलाई बढी सहयोग मिल्छ ।
नेपालले तीन तीव्र गतिका बलर खेलाउने सम्भावना कम छ ।

त्यसैले ज्ञानेन्द्रलाई खेलाउँदै प्रतिश बेन्चमा राख्न सक्ने सम्भावना देखिन्छ । ओपनर कुशल भुर्तेल लेग स्पिनको विकल्प समेत हुन् । सन्दीप लामिछानेलाई कुशल मल्ल र दीपेन्द्रसिंह ऐरीले साथ दिनेछन् । टोलीको रणनीति र कन्डिसन हेर्दा प्रशित बेन्चमा बस्न सक्ने देखिन्छ । पछिल्लो खेलमा टोलीमा राम्रो प्रभाव छाडेपनि टोलीको रणनीतिको कारण प्रतिश बेन्चमा बस्ने सम्भावना देखिन्छ ।

नेपालको ओपनिङ आसिफ शेख र कुशल भुर्तेलले गर्नेछन् । भुर्तेलले नामिबियाविरुद्ध टियु मैदानमै १ सय १५ रनको शतकीय इनिङ खेलेका थिए । आसिफले दुबईमा पिएनजीविरुद्ध ८६ र टियुमा नामिबियाविरुद्ध ८१ रन जोडेका थिए । यी दुई ओपनरबाट राम्रो सुरुवात चाहन्छ । ज्ञानेन्द्र मल्ल तेस्रो नम्बरमा खेल्नेछन् । ज्ञानेन्द्रले युएई भ्रमणमा राम्रो प्रदर्शन गर्न सकेका थिएनन् । ज्ञानेन्द्र आफैंलाई उत्कृष्ट प्रदर्शनको दबाब छ ।

रोहित पौडेल चौथो नम्बरमा ब्याटिङ गर्नेछन् । रोहितको युएई भ्रमण राम्रो हुन सकेन । टियु मैदानमा रोहितले नामिबियाविरुद्ध पहिलो खेलमा ७२ र स्कटल्यान्डविरुद्ध अन्तिम खेलमा ९५ रनको इनिङ खेलेका थिए । रोहित युएईको प्रदर्शन भुल्दै टियुमा पुरानै लयमा फर्किन चाहन्छन् ।

भीम सार्कीले पाँचौं नम्बरमा ब्याटिङ गर्नेछन् । भीम केहि समय लिएर खेल्न रुचाउँछन् । भीमबाट नेपाल एक इनिङबाट विकेट बचाउँदै रन जोड्ने हुनेछ । कुशल मल्लले छटौं नम्बरमा ब्याटिङ गर्नेछन् । कुशल उच्च लयमा छन् । नेपाल कुशलबाट उनकै आक्रामक शैली ब्याटिङ चाहन्छ ।

दीपेन्द्र सिंह ऐरी र आरिफ शेख टोलीको आवश्यकता अनुसार सातौं र आठौं नम्बरमा खेल्नेछन् । आरिफ र दीपेन्द्र अलराउन्डरको रुपमा टोलीमा खेल्नेछन् । यदि टिमले राम्रो सुरुपात गरेमा दीपेन्द्र अघि खेल्नेछन् । खराब सुरुवात गरेमा आरिफ अघि र दीपेन्द्रले फिनिसरको भूमिका निर्वाह गर्नेछन् । टोलीले पनि दीपेन्द्रलाई फिनिसरको भूमिका दिएको छ ।
त्यसपछि सन्दीप लामिछाने, करण केसी र सोमपाल कामी नेपालको ब्याटिङक्रममा हुनेछन् ।

खराब प्रदर्शन गर्दा सन्दीप अघि र राम्रो अवस्थामा हुँदा करण अघि खेल्ने निश्चित जस्तैछ । नेपालको प्लेइङ ११ मा सबै ब्याटिङको क्षमता राख्छन् । खराब सुरुवातबाट राम्रो पूनरागमन गर्नसक्छ ।

बलिङमा करण, सोमपाल र सन्दीप प्रमुख तीन बलर हुनेछन् । बाँकी २० ओभर नेपालले दीपेन्द्र, कुशल मल्ल र आरिफबाट गराउनेछ । यदि टिममा आवश्यक परे रोहित र कुशल भुर्तेल स्पिनरको विकल्पमा हुनेछन् ।

नेपालको सम्भािवत प्लेइङ-११ :

आसिफ शेख (विकेटकिपर), कुशल भुर्तेल, ज्ञानेन्द्र मल्ल, रोहित पौडेल (कप्तान), कुशल मल्ल, भीम सार्की, आरिफ शेख, दीपेन्द्रसिंह ऐरी, करण केसी, सोमपाल कामी र सन्दीप लामिछाने ।