काठमाडौं (हाम्रो खेलकुद) – नेपाललाई आगमी चार वर्षको लागि ओडिआई मान्यता जोगाउन अव एक जित मात्रै आवश्यक पर्ने भएको छ । आइसिसी विश्वकप लिग–२ त्रिकोणात्मक ओडिआई सिरिजमा नेपालले पपुवा न्युगिनीलाई बिहीबार घरेलु मैदान टियुमा ५२ रनले हराएपछि एक जित आवश्यक बनेको हो ।

नेपाल ३३ खेलमा १६ मा जित र १५ मा हारसहित ३४ अंकका साथ पाँचौं स्थानमा छ । नेपालले अव बाँकी तीन खेल मध्य नेपालले एक खेल जितेमा ओडिआई मान्यता बच्नेछ । नेपालले अव एक खेल जित्दा ३६ अंक हुन्छ । आइसिसीको नियम अनुसार लिग २ का शीर्ष पाँच टोलीले ओडिआई मान्यता सोझै पर्याप्त गर्नेछन् ।

नेपालले एक खेल जित्दा ३५ अंकमा रहेको अमेरिकालाई पछि पार्नेछ । त्यसैले तीन मध्य एक खेल जितेमा ओडिआई मान्यता बच्नेछ । नेपाललाई शीर्ष तीनमा रहँदै सोझै विश्वकप छनोट खेल्न भने बाँकी सबै तीन खेल जित्नुपर्ने हुन्छ । सबै खेल जितेको खण्डमा नेपालले ४० अंकका साथ तेस्रो स्थानमा रहँदै आगमी जुन जुलाईमा जिम्बावेमा हुने एकदिवसीय विश्वकप छनोट खेल्न पाउनेछ ।

नामिबिया ३६ खेलमा ३९ अंकका साथ तेस्रो स्थानमा छ । नेपाल शीर्ष तीनमा पर्न नामिबियालाई पछि पार्नुपर्ने हुन्छ । यदि नेपाल शीर्ष तीनमा नपरे भने क्वालिफायर प्लेअफ खेल्नुपर्ने हुन्छ । प्लेअफ क्वालिफायरमा लिग २ का पुछारका चार टोली, जर्सी र क्यानडा हुनेछन् । जसबाट शीर्ष दुई टोलीले जिम्बावेमा हुने विश्वकप छनोट खेल्न पाउनेछन् ।

शीर्ष चार टोलीमा रहने दुई टोलीले ओडिआई मान्यता प्राप्त गर्नेछ । क्वालिफायर प्लेअफ विश्वकप छनोट खेल्ने अन्तिम अवसर हो । नेपालले अव आइतबार युएई, सोमबार पपुवा न्युगिनी र बिहीबार युएईसँग खेल्नेछ।

अंक तालिका

स्कटल्यान्ड ३६ खेलमा २४ मा जित र १० मा हारका साथ ५० अंकका साथ शीर्ष स्थानमा रहँदै अन्त्य गर्यो । ओमान ३६ खेलमा २१ मा जित र १३ मा हारसहित ४४ अंकका साथ दोस्रो अन्त्य गरेको छ । नामिबिया ३६ खेलमा १९ मा जित र १६ मा हारका साथ ३९ अंकका साथ तेस्रो स्थानमा छ ।

अमेरिका ३६ खेलमा १६ मा जित र १७ मा हारसहित ३५ अंकका साथ चौथो स्थानमा छ । नेपाल ३३ खेलमा १६ मा जित र १५ मा हारसहित ३४ अंकका साथ पाँचौं स्थानमा छ । युएई ३२ खेलमा १४ मा जित र १५ मा हारसहित ३१ अंकका साथ छैटौं स्थानमा छ । पपुवा न्युगिनी ३३ खेलमा ४ मा जित र २८ मा हारसहित ९ अंक जोड्दै पुछारमा छ।