3 years ago
March 11, 2023
एजेन्सी – ओपनर शफाली बर्माको विष्फोटक ब्याटिङमा दिल्ली क्यापिटल्सले वुमन्स प्रिमियर लिग (डब्लूपिएल) मा गुजरात जायन्ट्सलाई १० विकेटले हराएको छ । जितको लागि १ सय ६ रनको विजयी लक्ष्य पछ्याएको दिल्लीले ७.१ ओभरमा कुनै विकेट नगुमाई पूरा गर्यो ।
दिल्लीको जितमा शफाली बर्मा २८ बलमा १० चौका र ५ छक्कासहित ७६ रनमा अविजित रहिन् । कप्तान मेग ल्यानिङ १५ बलमा ३ चौकासहित २१ रनमा अविजित रहिन् ।
त्यसअघि डिआई पाटिल स्पोर्ट्स एकेडेमी मुम्बईमा टस हारेर ब्याटिङ रोजेको गुजरातले निर्धारित २० ओभरमा ९ विकेट गुमाउँदै १ सय ५ रन बनाएको थियो । गुजरातको जितमा किम ग्रेथले ३७ बलमा ३ चौकासहित सर्वाधिक ३१ रन बनाइन् । अन्य कुनैपनि ब्याटरले राम्रो प्रदर्शन गर्न सकेनन् ।
दिल्लीकी मरिजान कप्पले ४ ओभरमा १५ रन खर्चेर सर्वाधिक ५ विकेट लिँदै प्लेयर अफ द म्याच चुनिन् । शिखा पाण्डेले ४ ओभरमा २६ रन खर्चेर ३ विकेट लिइन् ।
दिल्ली ४ खेलमा ३ मा जित र १ मा हारसहित ६ अंकका साथ दोस्रो स्थानमा छ । मुम्बई ३ खेलमा ६ अंकका साथ शीर्ष स्थानमाछ । रोयल च्यालेन्जर्स बेंगलोर ४ खेलमा सबैमा हारसहित पुछारमा छ । पाँच टोली सहभागी प्रतियोगिता डबल राउन्ड रोविनको आधारमा हुनेछ ।
November 15, 2025
काठमाडौ (हाम्रो खेलकुद)- लुम्बिनी लायन्सले नेपाल प्रिमियर लिग (एनपिएल) दोस्रो सिजनको लागि नामिबियाका अलराउन्डर जेजे (जोहानेस जोनाधान) स्मिथलाई अनुबन्ध गरेको छ । लुम्बिनीले यो सिजनका लागि अनुबन्ध गरेको स्मिथ पाँचौ विदेशी खेलाडी हुन्। लुम्बिनीले यसअघि अष्ट्रेलियाका ब्याटर डार्शी सर्द, इटलीका पेस बलर थोमस ड्राका, अफगानिस्तानका अलराउण्डर गुल्बादिन नहब र नामिवियाके बलर रुबेन ट्रम्पलम्यानलाई अनुबन्ध गरेको […]
November 14, 2025
हेटौंडा (हाम्रो खेलकुद)- नेपाल प्रिमियर लिग (एनपिएल) को साविक विजेता जनकपुर बोल्ट्स र हेटौंडा स्कुल अफ म्यानेजमेन्ट एण्ड सोसिएल साइन्सेसबीच यो वर्ष पनि सहकार्य हुने भएको छ । जनकपुर र म्यानेजमेन्टको प्रतिनिधिले शुक्रबार हेटौंडामा सम्झौता पत्रमा हस्ताक्षर गर्दै यसवर्ष पनि सहकार्यलाई जारी राख्ने घोषणा गरेका हुन् । जनकपुरको तर्फबाट क्लबका सहलगानीकर्ता महेश सिग्देल र म्यानेजमेन्टका […]
November 14, 2025
काठमाडौं (हाम्रो खेलकुद)- काठमान्डु गोर्खाजले प्रभु महालक्ष्मी लाइफ इन्स्योेरेन्स लिमिटेडसँग प्रायोजन सम्झौता गरेको छ । सोमबारबाट सुरु हुने नेपाल प्रिमियर लिग (एनपिएल) को दोस्रो सिजन खेल्नेक्रममा रहेको काठमान्डु गोर्खाजको लाइफ इन्सोरेन्स पार्टनरको रुपमा प्रभु महालक्ष्मी लाइफ इन्स्योेरेन्स रहने छ । काठमान्डु गोर्खाज र प्रभु महालक्ष्मी लाइफ इन्स्योेरेन्स बीच बिहीवार सम्झौता भएको छ । गोर्खाजका कार्यकारी […]
