अर्जुन कार्की, बागलुङ
यू १९ विश्व कपका लागि छनोट भएको नेपाली क्रिकेट क्रिकेट टोलीका सदस्य सुवास भण्डारी गृह जिल्ला बागलुङमा सम्माति भएका छन् । बागलुङबाट देशको प्रतिनिधित्व गर्दै विश्वकप पु¥याउन सफल भएकोमा सुवासलाई जिल्ला क्रिकेट संघ बागलुङले आइतबार सम्मान गरेको हो ।

हालै युएईमा सम्पन्न एसिया छनोट च्याम्पियन बनेको नेपाल सन् २०२४ मा हुने आईसीसी यू–१९ विश्वकप क्रिकेटका लागि छनोट भएको थियो । युएईबाट फर्केर पहिलो पटक गृह जिल्ला बागलुङ आएका सुवासलार्य संघले सम्मान गरेको हो । संघका अध्यक्ष विष्णु आचार्यले सुवासले विश्वकपमा पु¥याउन योगदान गरेकोले सम्मान गरिएको बताए । उनलाई ५ हजार रुपैयाँले सम्मान गरिएको थियो ।

सुवासले प्रतियोगिताका ५ खेलमा ४३ ओभरमा १ सय १५ रन खर्चेर ७ विकेट लिएका थिए । उनले डेब्यू खेलमा सिंगापुरविरुद्ध १० ओभरमा १ मेडनसहित २९ रन खर्चेर २ विकेट लिएका थिए । त्यस्तै सो खेलमा ८ बलमा १ चौकासहित १२ रनमा अविजित रहेका थिए । दोस्रो खेलमा कुवेत विरुद्ध विकेट विहिन बनेका सुवासले तेस्रो खेलमा हङकङ विरुद्ध १० ओभरमा ३ मेडनसहित १० रन खर्चेर २ विकेट लिए । उनले चौथो खेलमा मलेसिया विरुद्ध ९ ओभरमा ३२ रन खर्चेर १ विकेट लिए ।

नेपालले आइसिसी यू१९ विश्वकप एसिया क्षेत्रको निर्णायक (पाँचौं) खेलमा घरेलु टोली युएईलाई ७ रनले हराउँदै ८ वर्षपछि विश्वकपमा स्थान बनाउँदा सुवासको प्रदर्शन महत्वपूर्ण रहेको थियो । बलिङमा कमजोर सुरुवातपछि टोलीलाई खेलमा फर्काउन स्पिनर सुवासले मध्यक्रममा राम्रो प्रदर्शन गरेका थिए ।