1 year ago
March 14, 2023
एजेन्सी – साविक टि२० विश्वकप च्याम्पियन इंग्ल्यान्डमाथि घरेलु टोली बंगलादेशले तीन टि२० आई खेलको सिरिज क्लिनस्विप गरेको छ । तेस्रो तथा अन्तिम टि२० आई खेलमा बंगलादेशले इंग्ल्यान्डलाई १६ रनले हराउँदै सिरिजमा क्लिनस्विप गरेको हो ।
जितको लागि १ सय ५९ रनको विजयी लक्ष्य पछ्याएको इंग्ल्यान्डले निर्धारित २० ओभरमा ६ विकेट गुमाउँदै १ सय ४२ रन बनायो । इंग्ल्यान्डका ओपनर डेविड मलानले ४७ बलमा ६ चौका र २ छक्कासहित सर्वाधिक ५३ रन बनाए । जस बटलरले ३१ बलमा ४ चौका र १ छक्कासहित ४० रन बनाए । अन्य ब्याटरले भने राम्रो प्रदर्शन गर्न सकेनन् ।
मुस्ताफिजुर रहमानको बलमा लिटन दासबाट मलान आउट हुनुअघि इंग्ल्यान्ड १३ ओभरमा १००-१ को बलियो अवस्था थियो । मलान आउट भएको अर्को बलमा बटलर रन आउट भए । त्यसपछि भने बेन डकेट ११, मोईन अली ९ र साम करन ४ रनमा आउट भएपछि पराजित भएको थियो ।
बंगलादेशका तस्किन अहमदल ४ ओभरमा २६ रन खर्चेर २ विकेट लिए । मुस्ताफिजुर रहमान, तनविर इस्लाम र सकिब अल हसनले एक एक विकेट लिए ।
त्यसअघि शेरे बंगला नेशनल स्टेडियम ढाकामा टस हारेर पहिला ब्याटिङको निम्तो पाएको बंगलादेशले निर्धारित २० ओभरमा २ विकेट गुमाउँदै १ सय ५८ रन बनायो ।
बंगलादेशका लिटन दासले ५७ बलमा १० चौका र १ छक्कासहित सर्वाधिक ७३ रन बनाए । नाज्मुल हसन सान्टो ३६ बलमा १ चौका र २ छक्कासहित ४७ रनमा अविजित रहे ।
रोनी तनदुलकार २४ रन बनाए । इंग्ल्यान्डका आदिल राशिद र क्रिस जोर्डनले एक एक विकेट लिए । यसअघि पहिलो खेलमा बंगलादेश ६ विकेट र दोस्रो खेलमा ४ विकेटले विजयी भएको थियो ।
May 13, 2024
काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई ८ विकेटले पराजित गरेको हो । बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर […]
May 13, 2024
एजेन्सी – दिल्ली क्यापिटल्स विरुद्ध जित दर्ता गर्दै रोयल च्यालेन्जर्स बेंगलूरु (आरसिबि) ले प्लेअफ सम्भावना कायम राखेको छ । घरेलु मैदानमा भएको खेलमा दिल्ली विरुद्ध ४७ रनको जित निकाल्दै आरसिबि प्लेअफ पुग्ने दौडमा जीवित नै रहेको छ । आरसिबिले दिएको १८८ रनको लक्ष्य पछ्याएको दिल्ली १९.१ ओभरमा अलआउट हुँदै १४० रन मात्र जोड्न सक्यो । […]
May 12, 2024
काठमाडौं (हाम्रो खेलकुद) – सैनिक आवासीय महाविद्यालयले जयकुमार नाथ शाह स्मृति यू-१६ अन्तर स्कुल क्रिकेट प्रतियोगिता २०८१ को उपाधि जितेको छ । उपाधिसँगै सैनिकले डेढ लाख रुपैयाँ हात पार्यो । आइतबार मुलपानी क्रिकेट मैदानमा भएको फाइनलमा मोक्षदा स्कुललाई १० विकेटले पराजित गर्दै सैनिकले उपाधि जितेको हो । वर्षाले प्रभावित खेलमा सैनिकले जितका लागि ९ ओभरमा […]
