काठमाडौं(हाम्रो खेलकुद) – पपुवा न्युगिनीले आइसिसी विश्वकप लिग २ मा आफ्नो अन्तिम खेलमा युएईविरुद्ध टस जितेर पहिला ब्याटिङ गर्ने निर्णय लिएको छ । टियु क्रिकेट मैदानमा भएको टसमा पपुवा न्युगिनीका कप्तान असद भालाले टस जितेर पहिला ब्याटिङ गर्ने निर्णय लिएका छन् ।

युएईले आजको खेलमा टोलीमा दुई परिवर्तन गरेको छ । जुनैद सिद्दिक र कार्तिक मयाप्पनलाई विश्राम दिएको छ । हजरत बिलाल र सिपी रिजवानलाई मैदान उतारेको छ । पिएनजीले सेमो कमिया र हिला भारेलाई बेन्चमा राखेको छ । जोन कारिको गौडी टोकालाई मौका दिएको छ ।

युएई र पपुवा न्युगिनी दुवैले सोझै ओडिआई मान्यता अवसर गुमाई सकेको हुँदा खेल प्रतिष्ठाको लडाईं मात्रै हुनेछ । युएई लिग–२ मा छैटौं र पपुवा न्युगिनी पुछारमा अन्त्य गर्नेछन् । यसै महिना नामिबियामा हुने प्लेअफ क्वालिफायरमा क्यानडा र जर्सीलाई पछि पार्न सके यी दुई टोलीले ओडिआई मान्यता प्राप्त गर्नेछन् । अन्यथा आगमी चार वर्षको लागि ओडिआई मान्यता गुमाउनेछन् ।

युएई ३४ खेलमा १४ मा जित र १७ मा हारसहित ३१ अंकका साथ छैटौं स्थानमा छ । पिएनजी ३५ खेलमा ५ मा जित र २९ मा हारसहित ११ अंकका साथ पुछारमा छ ।

पिएनजीले जितेको पाँच मध्य चार खेल युएईविरुद्ध छन् । नेपाल भने ३५ खेलमा १८ मा जित र १५ मा हारसहित ३८ अंकका साथ सिधै ओडिआई मान्यता पाएको छ । बिहीबार युएईलाई हराए सोझै आगमी जुन जुलाईमा जिम्बावेमा हुने विश्वकप छनोट खेल्न पाउनेछ । पराजित भएमा वा कुनै कारण अंक बाँड्नु परेमा भने नेपाले क्वालिफायर खेल्नुपर्ने हुन्छ ।