default_image

1 week ago

May 13, 2024

एपिएफको लगातार दोस्रो जित

231 views

0 Bookmark

काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई  ८ विकेटले पराजित गरेको हो ।

बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर ममता चौधरीले ३२ बलमा ५ चौका प्रहर गर्दै ३५ रनमा अविजित रहिन् । यस्तै इन्दु वर्माले १२ बलमा ३ चौका सहित १७ रन जोडिन् । कप्तान सिता राना मगरले ११ र राजमती ऐरीले १० रन बनाइन् ।

बागमतीका लागि खुशी डंगोलले एक विकेट लिइन् । 

त्यसअघि टियु क्रिकेट मैदानमा टस हारेर ब्याटिङको निम्तो पाएको बागमतीले निर्धारित २० ओभरमा ६ विकेटको क्षतिमा ७३ रन मात्र बनाउन सक्यो । 

बागमतीका लागि हेलिशा गुरुङले ५० बलमा ३ चौका सहित सर्वाधिक ३१ रन बनाइन् । खुशी डंगोलले २२ बलमा १४ रन जोडिन् । अन्य ब्याटरले दोहोरो अंक समेत पुर्याउन सकेनन् ।

एपिएफका लागि करुणा भण्डारी एक्लैले ४ ओभर बलिङ गर्दै १० रन दिएर ४ विकेट लिइन् । यस्तै कप्तान सिता राना मगरले ४ ओभरमा ७ रन दिएर २ विकेट लिइन् ।      

एपिएफले हिजो भएको पहिलो खेलमा कोशी प्रदेशलाई हराएको थियो । वर्षाका कारण ढिलो सुरु भएर ५ ओभरमा घटाइएको खेलमा एपिएफले २४ रनको जित दर्ता गर्दै विजयी सुरुवात गरेको थियो । 

प्रतियोगितामा आजको दोस्रो खेलमा दिनको १:३० बजे हुने खेलमा सुदुरपश्चिम प्रदेशले कोशी प्रदेशको सामना गर्नेछ । 

प्रतियोगिता सिंगल राउन्ड रोबिनमा हुनेछ भने शीर्ष २ टोलीले उपाधिको लागि फाइनलमा प्रतिस्पर्धा गर्नेछन् । 

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.