राकेश तिमल्सिना
चितवन– सचिन पौडेलको अर्धशतकीय पारीको मद्दतमा चौथो क्याची एसएसपी कप २०१७ को उद्घाटन खेलमा आइतबार अर्किड कलेज, भरतपुरले भरतपुरकै प्रेसिडेन्सी कलेजलाई ६७ रनले हराएको छ ।
विशाल चोकस्थित नौ बिगाहा मैदानमा टस जितेर पहिले ब्याटिङ रोजेको अर्किडले २० ओभरमा ८ विकेटको क्षतिमा १ सय ४५ रन बनाएको थियो । जसमा सचिनले ५१ बल खेल्दै सर्वाधिक ६० रन बनाए । कप्तान मन्जिल न्यौपानेले १८, आशिष जिसीले १६ र गौतम केसीले १३ रन जोडे । प्रिसिडेन्सीका विमलले ३ र हरिबाबुले २ विकेट लिए ।
१ सय ४६ रनको लक्ष्य पछ्याएकोे पे्रसिडेन्सी १३.३ ओभरमा अलआउट हुँदै ७८ रन मात्र बनाउन सक्यो । टोलीका कप्तान विश्वास थापाले १० र बिमलले १५ रन जोडे । बाँकी खेलाडीले दोहोरो अंकमा रन बनाउन सकेनन् । प्रेसिडेन्सी लाई कम स्कोरमा रोक्ने क्रममा राजेश लम्सालले ३ र मन्दिपले २ विकेट लिए ।
म्यान अफ द म्याच घोषित अर्किडका सचिनलाई कार्यक्रम संयोजक अनिल अधिकारी र नेवि संघ चितवनका उपाध्यक्ष मित्रनिधि तिवारीले डिटिसीको मोबाइल सेट प्रदान गरे । क्याची एजुकेशन कन्सलटेन्सी मुख्य प्रायोजक रहेको प्रतियोगितामा १२ टोलीको सहभागिता रहेको छ ।
क्याची एसएसपी कपमा सोमबारको खेल
कृषि तथा वनविज्ञान कलेज, रामपुरविरुद्ध र प्रेसिडेन्सी कलेज, भरतपुर
