काठमाडौं (हाम्रो खेलकुद) – नेपालका बायाँ हाते स्पिनर ललितनारायण राजवंशीले आइसिसी विश्वकप लिग २ मा निर्णायक खेलमा युएईविरुद्ध पहिलो सफलता दिलाएका छन् ।

टियु क्रिकेट मैदानमा टस जितेर पहिला ब्याटिङ रोजेको युएईले ४ ओभरमा १ विकेट गुमाउँदै ४१ रन बनाएको छ । युएईका कप्तान मोहम्मद वासिम २६ र वृत्य अरविन्द ५ रनमा क्रिजमा छन् । वासिम १४ बलमा १ चौका र ३ छक्का प्रहार गरेका छन् ।

स्पिनर ललितनारायण राजवंशीले तेस्रो ओभरको पाँचौं बलमा आर्यन लाक्रालाई ६ रनमा एलबीडब्लू आउट गर्दै नेपाललाई पहिलो सफलता दिलाएका थिए । वासिमले बुधबार पपुवा न्युगिनीविरुद्ध ६० बलमा छक्का हानेका थिए । उनले १ सय १९ रनको इनिङ खेल्नेक्रममा ६ चौका र १२ छक्का हानेका थिए ।

नेपालका तीव्र गतिका बलर करण केसीलाई बेन्चमा राखेको छ । करणको स्थानमा गुलशन झालाई मौका दिएकोछ । नेपालले आजको खेलमा प्रतिश जि।सी। ज्ञानेन्द्र मल्ल र करण केसीलाई बेन्चमा राखेको छ । टोलीमा अन्य परिवर्तन छैन । उता युएईले तीव्र गतिका बलर जुनैद्द सिद्दिकलाई मौका दिँदा जवार फरिदलाई बेन्चमा राखेको छ ।

नेपालको प्लेइङ ११ :

आसिफ शेख, कुशल भुर्तेल, कुशल मल्ल, रोहित पौडेल (कप्तान), भीम सार्की, आरिफ शेख, दीपेन्द्रसिंह ऐरी, सोमपाल कामी, गुलशन झा, सन्दीप लामिछाने र ललितनारायण राजवंशी ।