सिडनी (एजेन्सी) – पाकिस्तान बिरुद्ध अन्तिम टेस्टको पहिलो दिनमा ‘लन्च ब्रेक’ अगाडि शतक पुरा गर्दै डेभिड वार्नरले अष्ट्रेलियाको मैदानमा किर्तिमान रचेका छन ।
अष्ट्रेलियाको सिडनी क्रीकेट मैदानमा भएको तेस्रो तथा अन्तिम टेस्टको पहिलो दिन ७८ बलको सामना गर्दै वार्नरले शतक प्रहार गर्दा अष्ट्रेलियन मैदानमा लन्च अगाडि शतक प्रहार गर्ने उनि पहिलो खेलाडी बनेका छन ।
यसाघी भिक्टर ट्रम्पर्, चार्ली माकर्टने, सर डोनाल्ड ब्राडम्यान र माजिद खानले लन्च ब्रेक अगाडी शतक पुरा गरे पनि अष्ट्रेलियामा यस्तो प्रदर्शन गर्ने वार्नर पहिलो खेलाडी हुन । ब्रेक अघी राम्रो फर्ममा रहेपनी वार्नर पछी ११५ रन बनाउदै पेभिलिओन फर्किए । उनले १७ चौकाको मद्धतले ९५ बलको सामना गर्दै ११५ रन जोडे । यसअघी वेस्ट इन्डिज बिरुद्ध ८२ बलको सामना गर्दै वार्नरले टेस्टमा शतक प्रहार गरेका थिए ।
