default_image

1 year ago

April 10, 2023

शक्तिको स्टार एकेडेमीले जित्यो बलियो नेपाल कपको उपाधि

93 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका पूर्वस्पिनर शक्ति गौचनको स्टार क्रिकेट एकेडेमीले बलियो नेपाल कप २०२३ को फाइनलमा कणाली एकेडेमीलाई ७ विकेटले हराउँदै उपाधि जितेको छ ।

पोखरा रंगशालमा टस जितेर पहिला ब्याटिङको रोजेको कर्णाली १९.२ ओभरमा ७२ रनमा अल आउट भएको थियो । कर्णालीका विराट भण्डारीले २७ बलमा २ चौकासहित सर्वाधिक १५ रन बनाए । ओपनर रोशन शाही १०, मनिष थापा ५, खेमराज खड्का ७, भरत क्षेत्री ८, दिब्य भुषाल र लक्की बम ६–६ रनमा आउट भए ।

स्टार क्रिकेट एकेडेमीका सुमित पराजुलीले ४ ओभरमा १९ रन खर्चेर ३ विकेट लिए । सुभम खनालले ४ ओभरमा १५ रन खर्चेर २ विकेट लिए । महेश भर, अमर मिश्रा र निर्मल गुरुङले एक एक विकेट लिए ।

जितको लागी ७३ रनको विजयी लक्ष्य पछ्याएको स्टार क्रिकेट एकेडेमीले ९.५ ओभरमा ३ विकेट गुमाउँदै पूरा गर्यो । स्टार क्रिकेट एकेडेमीका ओपनर अनोमल शिरिषले ३० बलमा ५ चौकासहित २५ रन बनाए । अमर मिश्रा ९ बलमा २ चौका र २ छक्कासहित २२ रन बनाए । अंकित बम १४, विशाल भुषाल ८ र निर्मल गुरुङले ४ रन बनाए ।

कर्णालीका भरत क्षेत्री, आदित्य शाह र सन्दीप ठकुरीले एक एक विकेट लिए । पोखराका प्रदीप अर्यालले ४ खेलमा १० विकेट लिदै उत्कृष्ट बलर चुनिए । कर्णालीका विराट सिंह भण्डारीले ५ खेलमा १ सय ८८ रन बनाउँदै उत्कृष्ट ब्याटर चुनिए । प्रदीप र विराटले समान ७ हजार पाउने छन् ।

स्टार क्रिकेट एकेडेमीका अमर मिश्राले प्रतियोगितामा १ सय २२ रन बनाउनुको साथै ४ विकेट लिँदै सर्वोत्कृष्ट खेलाडी चुनिए । उनले १५ हजार पाउनेछन् । त्यस्तै प्रतियोगिता विजेता स्टार क्रिकेट एकेडेमीले ५० हजार रुपैयाँ र उपविजेता कर्णालीले २५ हजार हजार रुपैयाँ प्राप्त गर्नेछन् ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.