एजेन्सी – भारतीय पूर्व सफल ब्याटर सचिन तेन्दुलकरका छोरा अर्जुनले इन्डियन प्रिमियर लिग(आइपिएल) २०२३ मा मुम्बई इन्डियन्सबाट कोलकाता नाइट राइडर्सबाट डेब्यू गरेका छन् । बायाँ हाते युवा तीव्र गतिका बलर अर्जुनले तल्लोक्रममा राम्रो ब्याटिङ गर्ने गर्दछन् ।

पछिल्ला दुई सिजन मुम्बईमा रहेपनि उनले डेब्यू गर्ने मौका पाएका थिएनन् । उनले गतवर्ष भारतको सर्वाधिक लोकप्रिय घरेलु प्रयितोगिता रणजी ट्रफीमा डेब्यू खेलमै शतक हानेका थिए । अर्जुन गत वर्ष अक्सनमा मुम्बईले ३० लाख भारुमा किनेको थियो ।

न्यूनतम मूल्य २० लाख भारु राखेका अर्जुनलाई किन्न गुजरात जायन्टले पनि रुचि देखाएापछि ३० लाखमा बिकेका थिए । अर्जुनले भारतीय य–ू१९ टोलीबाट पनि खेलि सकेका छन् । उनी तीव्र गतिका बलिङको लागि चिनिन्छन् ।

मुम्बईले त्यस्तै डुवान यानसनलाई पनि डेब्यू दिएको छ । त्यस्तै आजको खेलमा मुम्बईको कप्तानी सूर्यकुमार यादवले गरेका छन् । वानखडे स्टेडियममा टस जितेर मुम्बईले पहिला बलिङ गर्ने निर्णय लिएका छन् ।

कोलकाताको प्लेइङ ११ : रहमानउल्लाह गुरबाज, वेंकटेश ऐर नारायण जगदीशन, नितिश राणा(कप्तान), रिंकु सिंह, आन्द्रे रसेल, सुनिल नारायण, शार्दुल ठाकुर, उमेश यादव, लोकी फर्गुसन र बरुण चक्रवर्ती ।

मुम्बईको प्लेइङ ११ : ईशान किशन(विकेटकिपर), क्यामरन ग्रीन, तिलक बर्मा, सूर्यकुमार यादव(कप्तान), टिम डेविड, नेहाल वढेरा, अर्जुन तेन्दुलकर, हृथिक शोकीन, पियुष चवाला, डुवान यानसन र राइली मेरीडिथ ।