default_image

1 year ago

April 19, 2023

युएईको सानदार विजयी सुरुवात

162 views

0 Bookmark

एजेन्सी – विकेटकिपर वृत्य अरविन्द र रोहन मुस्ताफाको शतकमा युनाइटेड अरव इमिरेट्स (युएई) ले एसिसी प्रिमियर कपमा कुवेतलाई १ सय ४३ रनले हराउँदै सानदार विजयी सुरुवात गरेको छ । उपाधि दाबेदार समूह बी को युएईले दुई महत्वपूर्ण अंक जोड्दै प्रतियोगितामा सुखद सुरुवात गरेको हो ।

जितको लागि ३ सय ७२ रनको विशाल विजयी लक्ष्य पछ्याएको कुवेत ३६.३ ओभरमा २ सय २८ रनमा अल आउट भयो । कुवेतका नवौं नम्बरका सैयद मोनिब ३६ बलमा ५ चौका र ६ छक्कासहित सर्वाधिक ६८ रनमा आउट भए । त्यस्तै परविन्दर कुमार २६ बलमा १ चौका र ७ छक्कासहित सर्वाधिक ५३ रनमा आउट भए ।

यी दुई बाहेक अन्य कुनैपनि कुवेतका ब्याटरले राम्रो प्रदर्शन गर्न सकेनन् । कुवेतको सुरुवातनै खराब रह्यो । तीव्र गतिका बलर जुनैद सिद्धिकको दोस्रो ओभरको दोस्रो बलमा ओपनर रविजा सनदरुवान शून्यमा कप्तान मोहम्मद वासिमबाट क्याच आउट भए । सचित शर्माको तेस्रो ओभरको पहिलो बलमा प्रमुख ब्याटर मिट भावसार एज लागेर विकेटकिपर वृत्य अरविन्दबाट १० रनमा क्याच आउट भए ।

छैटौं ओभरको दोस्रो बलमा जुनैदले उस्मानगानी इब्राहिम १६ रनमा वृत्यबाट क्याच आउट भए । लगत्तै अर्को बलमा मोहम्मद अमिन एलबीडब्लू आउट हुँदै गोल्डेन डक पेभेलिएन फर्केका थिए ।

विष्फोटक ब्याटिङ गरेका परविन्दर कुमार स्पिनर आयन खान अफ्जलको बलमा दशौं ओभरको तेस्रो बलमा बोल्ड भएका थिए । एक समय २५ ओभरमा १४९–८ को अवस्थामा पुगेको कुवेतलाई नवौं विकेटका लागि ७८ रनको साझेदारी गरेका थिए ।

युएईका जुैनद सिद्दिक ७ ओभरमा ३२ रन खर्चेर ३ विकेट लिए । कार्तिक मयाप्पनले ७ ओभरमा ६३ रन खर्चेर ३ विकेट लिए । सन्चित शर्मा, आयन खान, जहुर खान र रोहन मुस्तफाले समान एक विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको युएईले निर्धारित ५० ओभरमा ६ विकेट गुमाउँदै ३ सय ७१ रन बनाएको थियो ।

युएईको जितमा युवा खेलाडी वृत्य अरविन्दले १ सय ४७ बलमा १७ चौका र ९ छक्कासहित १ सय ८५ रनको विष्फोटक शतकीय इनिङ खेलेका थिए । अरविन्दनै खेलको प्लेयर अफ द म्याच चुनिए ।

प्रविन्दर कुमारको अन्तिम ओभरको दोस्रो बलमा एज लागेर आउट भएपछि वृत्य दोहोरो शतक प्रहार गर्नबाट चुकेका थिए । अनुभवी ब्याटर रोहन मुस्तफा १ सय २५ बलमा १० चौका र ४ छक्कासहित १ सय १८ रनमा आउट भए ।

मुस्तफाले १६ बलमा खाता खोलेका थिए । ९५ बलमा अर्धशतक पूरा गरेका थिए । तर अन्तिम ३० बलमा मुस्तफाले ६८ रन बनाएका थिए ।

एक समय २४–३ को दयनीय अवस्थामा पुगेको युएईलाई विशाल योगफलमा पुर्याउन रोहन मुस्तफा र वित्य अरविन्दले २ सय ७५ रनको यादगार दोहोरो शतकीय साझेदारी गरेका थिए ।

४७ औं ओभरको तेस्रो बलमा सैयद मोनिबको बलमा मुस्तफा विकेटकिपर उस्मानघानी इब्राहिमबाट क्याच आउट भएपछि उक्त साझेदारी तोडिएको थियो ।

युएईकोे सुरुवात भने सम्झन लायक थिएन । कप्तान मोहम्मद वासिम पहिलो ओभरको चौथो बलमै ८ रनमा क्याच आउट भएका थिए । तीव्र गतिका बलर शाहरुख कुद्दुसको बलमा वासिम फस्ट स्लिपमा मिट भावसारबाट क्याच आउट भए । उनले ४ बलमा २ चौका प्रहार गरे ।

स्पिनर यासिन पटेलले दोस्रो ओभरको दोस्रो बलमा अर्का ओपनर आर्यन लाक्रालाई शून्यमा बोल्ड आउट गरे । शाहरुखले पाँचौं ओभरको चौथो बलमा अनुभवी ब्याटर रमिज शाहजादलाई ९ रनमा क्याच गराए । शाहजाद मोहम्मद अमिनबाट मिड अनमा क्याच आउट भएका थिए ।

आसिफ खान ९ बलमा २ चौका र ३ छक्कासहित ३० रनमा आउट भए । कुवेतका प्रविन्दर कुमारले ३ ओभरमा ४५ रन खर्चेर २ विकेट लिए । शाहरुखले ८ ओभरमा ६० रन खर्चेर २ विकेट लिए । यासिन पटेल र सैयद मोनिबले समान एक एक विकेट लिए ।

एसिसी प्रिमियर कपमा समूह ए मा घरेलु टोली नेपालसँगै ओमान, कतार, मलेसिया र साउदी अरब छन् । समूह बी मा युएई, हङकङ, कुवेत, सिंगापुर र बहराइन छन् । प्रतियोगिता वैशाख ५ देखि १८ गतेसम्म टियु र मुलपानीमा हुनेछ ।

प्रतियोगिता सेमिफाइनल, फाइनल हुँदै उपाधि जित्ने टोलीले आगमी सेप्टेम्बरमा पाकिस्तानमा हुने एसिया कप खेल्न पाउनेछन् । एसिया कपमा समूह ए मा भारत, पाकिस्तान र प्रिमियर कप विजेता टोली हुनेछन् ।

समूह बी मा बंगलादेश, अफगानिस्तान र श्रीलंका छन् । युएईले दोस्रो खेल वैशाख ८ मा माथिल्लो मुलपानीमा ह ङकङसँग खेल्नेछ । कुवेतले दोस्रो खेल मुलपानीमानै वैशाख ९ मा बहराइनसँग खेल्नेछ ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.