default_image

1 year ago

April 19, 2023

भरतपुर मेयरकप क्रिकेट– चितवन र काठमाडौं फाइनलमा

143 views

0 Bookmark

राकेश तिमल्सिना, चितवन

चितवन र काठमाडौं भरतपुर मेयरकप बागमती प्रदेश यू १६ क्रिकेट प्रतियोगिताको फाइनलमा प्रवेश गरेका छन् । बुधबार भएको लिगको अन्तिम खेलमा चितवनले ललितपुरलाई र काठमाडौंले मकवानपुरलाई हराउदै फाइनल एकअर्कासँगको भेट पक्का गरेका हुन् । काठमाडौं समूह ‘ए’ र चितवन समूह ‘बी’ को विजेता बन्दै अन्तिम दुईमा पुगेको हो ।

काठमाडौंले मकवापुरलाई ५९ रनले हराएको थियो । चितवनले ललितपुरमाथि ५ रनको रोमाञ्चक जित हात पार्यो ।
पहिलो खेलमा भरतपुरको निर्माणाधिन क्रिकेट रंगशालाको नमुना मैदानमा टस हारेर पहिला ब्याटिङको निम्तो पाएको काठमाडौंले निर्धारित २५ ओभरमा ८ विकेटको क्षतिमा १ सय ८२ रन बनायो । टोलीका लागि ओपनर विशाल रायमाझीले सर्वाधिक ४८ रन जोडे । ४३ बल खेलेका उनले २ चौका र १ छक्का प्रहार गरे ।

१७ औं ओभरको तेश्रो बलमा उनी अमन कुमार यादवद्वारा कट बिहाइन्ड आउट भए । यस्तै मध्यक्रममा सुबिना हाडाले ३६, विरेन्द्रसिंह साउदले ३४ र निश्चल श्रेष्ठले २५ रन बनाए । मकवानपुरका अमन कुमार यादवले २ तथा रोहित ठाकुर, रौशन कुमार राय र रोशन कुमार यादवले समान १ विकेट हात पारे ।

१ सय ८३ रनको लक्ष्यका साथ ब्याटिङ थालेको मकवानपुर २५ ओभरमा ७ विकेट गुमाएर १ सय २३ रनमा समेटियो । पहिलो विकेटको लागि ७० रनको साझेदारी गर्दै बलियो सुरुआत गरेको मकवानपुरका लागि मध्यक्रम सम्हालिन नसक्दा खेलको नतिजा काठमाडौंलाई सुम्पिन बाध्य भयो ।

१५ औं ओभरको पहिलो बलमा मकवानपुरका ओपनर गौरव श्रेष्ठ व्यक्तिगत ४५ रन बनाउदा आउट भए । अर्का ओपनर गोकुल अधिकारी २५ रन बनाउदै पेभिलियन फर्किए । त्यसबाहेक अन्य ब्याटरको प्रदर्शन खासै सम्झनलायक रहेन । बलिङमा काठमाडौंका निश्चल श्रेष्ठ र सार्थक धितालले समान २ विकेट लिए । सुबिन हाडा, प्रतिक पण्डित र पवन कठायतले समान १ विकेट हात पारे । खेलको प्लेयर अफ द म्याच काठमाडौंका निश्चल श्रेष्ठ भए ।

अर्को चितवनले ललितपुरविरुद्ध रोमाञ्चक ५ रनको जित निकाल्यो । १ सय ४८ रनको विजय लक्ष्य पछ्याएको ललितपुर निर्धारित २५ ओभरमा १ सय ४२ रनमा रोकियो । दशौं ओभरको अन्तिम बलमा ४० रन जोड्दा सुरुआती ३ विकेट विकेट गुमाएको अवस्थामा ललितपुर दबाबमा आएको थियो ।

त्यसपछि हिमाल बोहोराले अर्धशतक प्रहार गर्दै ललितपुरलाई खेलमा फर्काउने कोसिस गरेका थिए । ४९ बल खेलेका उनले ४ चौका र १ छक्काको मद्दतमा ५६ रन बनाए । १९ औं ओभरको चौथो बलमा उनी दिपेश क्षेत्रीको बलमा बोल्ड हुदै पेभेलियन फर्किए । बलिङमा चितवनका सुमित शर्मा र विशाल खत्रीले समान २,सुगम सापकोटा र दिपेश क्षेत्रीले समान १ विकेट लिए ।

त्यसअघि टस जितेर पहिला ब्याटिङ रोजेको चितवनले २५ ओभर खेल्दै ९ विकेटको नोक्सानीमा १ सय ४७ रन बनायो । चितवनका कप्तान सुर्यान्शु कोइरालाले अर्धशतक बनाए । ५४ बल खेल्दै उनले ७ चौका र १ छक्कासहित ६३ रन जोडे । उनको जारी प्रतियोगितामा यो लगातार दोश्रो अर्धशतक हो । त्यस्तै विवस न्यौपानेले २० र ज्ञानु निउरेले १६ रन जोडे ।

बलिङमा ललितपुरका भार्गव खनाल एक्लैले ६ विकेट लिए । ५ ओभर बलिङ गरेका उनले ३१ रन खर्चिए । यस्तै निश्चल क्षेत्री, संगम सेढाइ र दिपेश शाहले समान १ विकेट हात पारे । ६ विकेट लिएका भार्गव खनाल खेलको प्लेयर अफ द म्याच चुनिए ।

चितवन र काठमाडौंबीच भोलि फाइनल हुनेछ । प्रतियोगिताका उत्कृष्ट खेलाडीहरुबाट नै बागमती प्रदेशको यू १६ को टोली तयार पारिने बताइएको छ । भरतपुर महानगरपालिका र बागमती प्रदेश क्रिकेट संघको संयुक्त आयोजनामा प्रतियोगिता बैशाख ४ गतेदेखि संचालन भैरहेको छ ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.