1 year ago
April 20, 2023
राकेश तिमल्सिना, चितवन
भरतपुर मेयरकप बागमती प्रदेश यू-१६ क्रिकेटको उपाधि काठमाडौं जिल्लाले जितेको छ । काठमाडौंले बिहीबार फाइनल खेलमा घरेलु टोली चितवनलाई ४ विकेटले पराजित गर्दै च्याम्पियन बनेको हो ।
निर्माणाधिन गौतमबुद्ध क्रिकेट रंगशालाको नमुना मैदानमा जितको लागि १ सय २२ रनको विजय लक्ष्य पछ्याएको काठमाडौंले २४.३ ओभरमा ६ विकेट गुमाउँदै पूरा गर्यो । दुवै ओपनर सस्तैमा गुमाएको काठमाडौंको लागि मध्यक्रममा बुद्धिमान विष्ट र विरेन्द्रसिंह साउदले जितको आधार तय गरेका थिए ।
साउदले ३३ रन बनाए भने विष्टले ३२ रन बनाए । यस्तै काठमाडौंको जितमा निश्चल श्रेष्ठले नटआउट २० रनको योगदान गरे । चितवनका दिपेश क्षेत्री, सुगम सापकोटा, विशाल खत्री, अंकित झा र शिव भट्टराइले समान एक विकेट लिए ।
त्यसअघि टस जितेर पहिला ब्याटिङ रोजेको चितवनले निर्धारित २५ ओभरमा ८ विकेट गुमाउँदै १ सय २१ रन बनाएको थियो । चितवनका लागि ओपनर अंकित झाले ४६ बलमा ६ चौका र २ चौकासहित सर्वाधिक ४१ रन बनाए। उनी पवन कठायतको बलिङमा बोल्ड हुदै पेभेलियन फर्किएकका थिए । यस्तै कप्तान सुर्यान्शु कोइरालाले १५ रन जोडे । २६ बल खेल्दै रन बनाउन संघर्ष गरिरहेका उनी निश्चल श्रेष्ठको बलमा बोल्ड भए ।
त्यसबाहेक अन्य ब्याट्सम्यानको प्रदर्शन एक अंकमा नै सिमित भयो । बलिङमा काठमाडौंका सुबिन हाडा र पवन कठायतले समान दुई विकेट लिए । सार्थक धिताल र प्रतिक पण्डितले समान एक विकेट लिए। फाइनल खेलको प्लेयर अफ द म्याच काठमाडौंका निश्चल श्रेष्ठ भए ।
त्यस्तै विधागतर्फ ब्याटर र बलरको पुरस्कार चितवनले पायो । चितवनका कप्तान सूर्यान्शु कोइराला उत्कृष्ट ब्याटर र विशाल खत्री उत्कृष्ट बलर चुनिए । प्रतियोगिताको सर्वोत्कृष्ट खेलाडी (प्लेयर अफ द टुर्नामेन्ट) काठमाडौंका निश्चल श्रेष्ठ चुनिए ।
प्रतियोगिताको विजेता टोलीलाई भरतपुर महानगरपालिकाका मेयर रेनु दाहाल र बागमती प्रदेश क्रिकेट संघका अध्यक्ष राजु बस्न्यातले संयुक्त रुपमा ट्रफी, मेडल र प्रमाणपत्र हस्तान्तरण गरेका थिए । प्रतियोगिता भरतपुर महानगरपालिका र बागमती प्रदेश क्रिकेट संघको आयोजनामा वैशाख ४ गतेदेखि सुरु भएको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]