default_image

10 months ago

April 24, 2023

उत्कृष्ट बलिङसँगै दिल्ली विजयी

एजेन्सी – ब्याटिङमा कमजोर प्रदर्शन गरेपनि उत्कृष्ट बलिङका साथ दिल्ली क्यापिटल्सले इन्डियन प्रिमियर लिग (आइपिएल) २०२३ को ३४ औं खेलमा घरेलु टोली सनराइजर्स हैदराबादलाई ७ रनले हराएको छ । दिल्लीले दोस्रो जितका साथ प्लेअफ सम्भावना कायमै राखेकोछ । जितको लागि १ सय ४५ रनको विजयी लक्ष्य पछ्याएको हैदराबादले २० ओभरमा ६ विकेट गुमाउँदै १ सय […]

154 views

0 Bookmark

एजेन्सी – ब्याटिङमा कमजोर प्रदर्शन गरेपनि उत्कृष्ट बलिङका साथ दिल्ली क्यापिटल्सले इन्डियन प्रिमियर लिग (आइपिएल) २०२३ को ३४ औं खेलमा घरेलु टोली सनराइजर्स हैदराबादलाई ७ रनले हराएको छ । दिल्लीले दोस्रो जितका साथ प्लेअफ सम्भावना कायमै राखेकोछ ।

जितको लागि १ सय ४५ रनको विजयी लक्ष्य पछ्याएको हैदराबादले २० ओभरमा ६ विकेट गुमाउँदै १ सय ३७ रन मात्रै बनायो । हैदराबादलाई जितको लागि अन्तिम ६ बलमा १३ रन चाहिँदा तीव्र गतिका बलर मुकेश कुमारले पाँच रन खर्चिदै दिल्लीको जित पक्का गराए ।

हैदराबादका ओपनर मयंक अग्रवालले ३९ बलमा ७ चौकासहित सर्वाधिक ४९ रन बनाएपनि जितको लागि पर्याप्त हुन सकेन । उनी बाहेक अन्य कुनैपनि ब्याटरले राम्रो गर्न सकेनन् । ओपनर ह्यारी ब्रुक १४ बलमा ७ रन बनाउँदै एनरिच नोर्कियाको बलमा बोल्ड आउट भएका थिए । तीव्र गतिका बलर ईशान्त शर्माले राहुल त्रिपाठीलाई १५ रनमा फिलिप साल्टबाट क्याच गराए ।

अभिषेक शर्मा ५ रनमा आउट भएका थिए । हेनरिक क्लासेन १९ बलमा ३ चौका र १ छक्कासहत ३१ रनमा आउट भए । वासिन्टन सुन्दर १५ बलमा ३ चौकासहित २४ रनमा नटआउट रहे ।

दिल्लीका अक्षर पटेलले ४ ओभरमा २१ रन खर्चेर २ विकेट लिए । कुलदीप यादवले ४ ओभरमा २२ रन खर्चेर १ विकेट लिए । एनरिच नोर्कियाले ४ ओभरमा ३३ रन खर्चेर २ विकेट लिए । ईशान्त शर्माले ३ ओभरमा १८ रन खर्चेर १ विकेट लिए ।

त्यसअघि हैदराबादमा टस जितेर पहिला ब्याटिङ थालेको दिल्लीले निर्धारित २० ओभरमा ९ विकेट गुमाउँदै १ सय ४४ रन बनाएको थियो । दिल्लीले खराब ब्याटिङलाई पुन निरन्तरता दियो । अक्षर पटेल र मनिष पाण्डेले समान ३४ रन बनाउन बाहेक अन्य कुनैपनि दिल्लीका ब्याटरको प्रदर्शन सम्झन लायक थिएन । अक्षरले ३४ बलमा ४ चौका र मनिषले २७ बलमा २ चौका प्रहार गरेका थिए ।

ओपनर फिलिप साल्ट डक आउट हुँदै इनिङको तेस्रो बलमै पेभेलिएन फर्केका थिए । दिल्लीले पृथ्वी शालाई अन्तिम १६ जनाको नाममै राखेको थिएन । आठौं ओभरमा स्पिनर वासिन्टन सुन्दरले तीन विकेट लिएपछि दिल्ली संकटमा पुगेको थियो ।

उक्त ओभरको दोस्रो बलमा कप्तान डेविड वार्नर २० बलमा २ चौका र १ छक्कासहित २१ रनमा ह्यारी ब्रुकबाट क्याच आउट भए । एक बलपछि शर्फराज खान ९ बलमा १ छक्कासहित १० रनमा आउट भए । अन्तिम बलमा अमान हाकिम खान ४ रनमा अभिषेक शर्माबाट क्याच आउट भएका थिए ।

मिचेल मार्श १५ बलमा ५ चौकासहित २५, रिपल पटेल ५ र एनरिच नोर्किया २ रनमा आउट भए । हैदराबादका तीव्र गतिका बलर भुवनेश्वर कुमारले ४ ओभरमा ११ रन खर्चेर २ विकेट लिए । वासिन्टन सुन्दरले ४ ओभरमा २८ रन खर्चेर ३ विकेट लिए । टि नटराजनले एक विकेट लिए ।

दिल्ली ५ खेलमा २ मा जित र ५ मा हारसहित पुछारमा छ । हैदराबाद ७ खेलमा २ मा जित र २ मा हारसहित नवौं स्थानमा छ । चेन्नई ७ खेलमा ५ मा जित सहित १० अंकका साथ शीर्ष स्थानमा छ । समान ८ अंक भएपनि नेटरनरेटको कारण राजस्थान रोयल्स दोस्रो, लखनउ तेस्रो, गुजरात चौथो, बेंगलोर पाँचौं र पन्जाब छैटौं स्थानमा छन् ।

February 25, 2024

लिग-२ मा नेपालको तेस्रो हार

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले तेस्रो खेलमा हार बेहोरेको छ । टियु क्रिकेट मैदानमा नेपालले नेदरल्यान्ड्समाथि ८ विकेटको जित दर्ता गरेको हो । नेपालले जितका लागि प्रस्तुत गरेको १ सय ७३ रनको लक्ष्य नेदरल्यान्ड्सले ३८ औं ओभरमा २ विकेट गुमाएर पूरा गरेको हो । नेदरल्यान्ड्सका लागि सिरिजको पहिलो […]

February 25, 2024

प्रिमियर कपमा नेपाल र हङकङ एकै समूहमा

काठमाडौं (हाम्रो खेलकुद) – ओमानमा अप्रिल तेस्रो साता सुरु हुने एसीसी प्रिमियर कपको समूह विभाजन सार्वजनिक भएको छ । एसियाली क्रिकेट परिषद (एसीसी) ले आइतबार सार्वजनिक गरेको खेल तालिका अनुसार समूह ए मा नेपाल, हङकङ, मलेसिया, कतार र साउदी समूह ए मा रहेका छन् । समूह बी मा यूएई, ओमान, कुवेत, बहराइन र कम्बोडिया रहेका […]

February 25, 2024

नेदरल्यान्ड्सलाई नेपालको सामान्य लक्ष्य

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत अन्तिम खेलमा नेपालले नेदरल्यान्ड्ससमक्ष १ सय ७३ रनको सामान्य लक्ष्य प्रस्तुत गरेको छ । टियु क्रिकेट मैदानमा पहिलो ब्याटिङको निम्तो पाएको नेपालले ४९.३ ओभरमा अलआउट हुनुअघि १ सय ७२ रन जोड्यो । नेपालका लागि कुशल भुर्तेलले अर्धशतक जोड्दै महत्त्वपूर्ण इनिङ खेले । तल्लोक्रममा करण केसीले आक्रामक […]

Success

Thank you for your time.