default_image

7 years ago

January 5, 2017

पारसले टिम चौराहा धनगढीको नेतृत्व गर्ने

काठमाडौं (हाम्रो खेलकुद) – सूदुपश्चिममा यसै बर्ष आयोजना हुने सगरमाथा सिमेन्ट धनगढी प्रिमियर लिग (डिपिएल) मा भाग लिने ६ टोली, तीनको कप्तान र मालिकको नाम बिहीबार सार्वजनिक गरिएको छ । आउँदो चैत्र ५ गतेबाट सुरू हुने बहुप्रतिक्षित सगरमाथा सिमेन्ट धनगढी प्रिमियर लिग (डिपिएल) मा सहभागी टिम, टिम मालिक र टिम कप्तानको घोषणा गरिएको छ । […]

47 views

0 Bookmark

काठमाडौं (हाम्रो खेलकुद) – सूदुपश्चिममा यसै बर्ष आयोजना हुने सगरमाथा सिमेन्ट धनगढी प्रिमियर लिग (डिपिएल) मा भाग लिने ६ टोली, तीनको कप्तान र मालिकको नाम बिहीबार सार्वजनिक गरिएको छ ।

6-captain

आउँदो चैत्र ५ गतेबाट सुरू हुने बहुप्रतिक्षित सगरमाथा सिमेन्ट धनगढी प्रिमियर लिग (डिपिएल) मा सहभागी टिम, टिम मालिक र टिम कप्तानको घोषणा गरिएको छ । चैत ५ गते देखि आयोजना हुने डिपिएलमा ६ टोलीको सहभागिता रहने यसअघि नै जानकारी दिएपछि सहभागिता टोलीको नाम राजधानीमा पत्रकार सम्मेलनमार्फत सार्वजनिक गरिएको हो ।

देशका विभिन्न छ वटा सहरको नाम टोलीको नाम राखिएको छ । जसमा सिवाइसी अत्तरिया, विराटनगर किङ्स, काठमाडौं गोल्डेन्स, रुपन्देही च्यालेन्जर्स, कञ्चनपुर आइकोनिक र टिम चौराहा धनगढी रहेका छन् । ६ टोलीलाई राष्ट्रिय टोलीका कप्तान पारस खड्कासहित अन्य चर्चित खेलाडीले कप्तानी गर्नेछन् । जसमा राष्ट्रिय टोलीका उपकप्तान ज्ञानेन्द्र मल्ल, बसन्त रेग्मी, शक्ति गौचन, शरद भेषावकर र विनोद भण्डारीले कप्तानी गर्नेछन् ।

final-logo

राजकुमार श्रेष्ठले सञ्चालन गर्ने टिम चौराहा धनगढीको नेतृत्व राष्ट्रिय टोलीका कप्तान पारसले गर्नेछन् । ज्ञानेन्द्रले न्यू श्रृजनशील क्लबले सञ्चालन गर्ने टिम सिवाइसी अत्तरियाको नेतृत्व गर्नेछन् । महालक्ष्मी केबलको सञ्चालन गर्ने विराटनगर किङ्स शरदको नेतृत्वमा मैदान ओर्लनेछ ।

त्यस्तै, एसआर ग्रुपले सञ्चालन गर्ने रुपन्देही च्यालेन्जर्सले स्थानिय खेलाडी शक्तिको अगुवाइनमा चुनौति प्रस्तुत गर्नेछ । गोल्डेनगेट इन्टरनेशनल कलेज अन्तर्गत रहेको काठमाडौं गोल्डेन्सको कप्तानी वसन्तले गर्नेछन् । विनोदले कञ्चनपुर आइकोनिकअन्तर्गतको कञ्चनपुर टिमको नेतृत्व गर्नेछन् ।

आयोजक धनगढी क्रिकेट एकेडेमी (डिसिए) र सुदुरपश्चिमाञ्चल एकेडेमी (एसपिए) ले संयुक्त रुपमा आयोजना गर्ने प्रतियोगितामा सहभागि टोलीको कप्तान गोलप्रथाका आधारमा चुनिएको जनाइएको छ । ६ टोलीका अन्य खेलाडीको भने अक्सन गरिने बताइएको छ । अक्सन प्रक्रियामा सहजीकरण होस् भन्ने उद्देश्यले मुख्य राष्ट्रिय खेलाडीहरूलाई टिम सञ्चालकहरूको सहमतिमा गोलाप्रथाका माध्यमबाट टिममा राखिएको आयोजक डिसिएका अध्यक्ष सुवास शाहीले पत्रकार सम्मेलनलमा जानकारी दिएका छन् ।
उनले भने, ‘प्रत्येक टिमका कप्तानले प्रतियोगिता खेलेवापत १ लाख ५० हजार पारिश्रमिक पाउनेछन् । कप्तानबाहेकका खेलाडीहरूको हकमा भने तोकिएको न्यूनत्तम रकममा बढाबढ गर्दै टिममा समावेश गरिनेछ ।’
अक्सनमा सहभागी हुन चाहने खेलाडीका लागि आयोजकले यसअघि नै दर्ता प्रक्रिया सुरु गरिसकेको छ । २ सय १७ खेलाडीले प्रतियोगिताका लागि नाम दर्ता गराइसकेको आयोजकले जानकारी दिए । नाम दर्ता भएका खेलाडीलाई चार समूहमा विभाजन गरेर अक्सनमा शनिबार गराइने आयोजक डिसिएका अध्यक्ष शाहीले बताए । ‘प्रतियोगितामा खेलाडी दर्ताका लागि हामीले निश्चित रकम फाराम शुल्क वापत लिएका हौंं,’ शाहीले भने, ‘अक्सनमा नपर्ने खेलाडीको हकमा दर्ता शुल्क फिर्ता गर्नेछौं ।’
नेपाल क्रिकेट प्लेयर एसोसियसनको सहकार्यमा दर्ता भएका खेलाडीहरूलाई चार तहमा विभाजन गरिएको छ । पहिलोदेखि चौथो तहका लागि क्रमशः ५० हजार, ३० हजार, २५ हजार र २० हजारबाट बढाबढ सुरु हुनेछ ।
झन्डै १ करोड ६० लाख रुपैयाँ खर्च हुने अनुमान गरिएको प्रतियोगिताको विजेताले १५ लाख, दोस्रो हुने टोलीले ७ लाख रुपैयाँ पाउनेछन् । त्यस्तै म्यान अफ दी सिरिजले मोटरसाइकल पाउनेछन् भने हरेक खेलको म्यान अफ दी म्याचले १० हजार रुपैयाँ प्राप्त गर्नेछन् ।

sagarmatha-cement-dpl-team-captain-owner
डिपिएल टि–२० को आधारमा हुने प्रतियोगिताको लिग चरणमा प्रत्येक टोलीले एकअर्कासँग प्रतिस्पर्धा गर्नेछन् । शीर्ष चार टोली प्ले–अफमा पुग्नेछन् । त्यसमा पहिलो र दोस्रो हुने टिमको बिजेता फाइनल पुग्नेछ । पराजित हुने टोलीले तेस्रो र चौथो हुने टिमसँगको बिजेतासँग फाइनल प्रवेशको लागि पुनः प्रतिस्पर्धा गर्नेछ ।

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.