default_image

10 months ago

April 25, 2023

चार खेल बाँकी रहँदा सेमिफाइनलमा पुग्ने नेपाल एक्लो टोली

काठमाडौं (हाम्रो खेलकुद) – एसिसी प्रिमियर कपमा समूह चरणका मात्रै चार खेल बाँकी रहँदा सेमिफाइनलमा स्थान पक्का गर्ने नेपाल एकमात्रै टोली बनेको छ । १० टोली सहभागी प्रतियोगितामा हरेक समूहमा पाँच पाँच टोली छन् । समूह चरणका १६ खेल सकिँदा सेमिफाइनलमा स्थान बनाउने घरेलु टोली नेपाल एक्लो टोली हो । प्रतियोगिता सेमिफाइनल दौडबाट समूह ए […]

53 views

0 Bookmark

काठमाडौं (हाम्रो खेलकुद) – एसिसी प्रिमियर कपमा समूह चरणका मात्रै चार खेल बाँकी रहँदा सेमिफाइनलमा स्थान पक्का गर्ने नेपाल एकमात्रै टोली बनेको छ । १० टोली सहभागी प्रतियोगितामा हरेक समूहमा पाँच पाँच टोली छन् । समूह चरणका १६ खेल सकिँदा सेमिफाइनलमा स्थान बनाउने घरेलु टोली नेपाल एक्लो टोली हो ।

प्रतियोगिता सेमिफाइनल दौडबाट समूह ए बाट मलेसिया, कतार र समूह बी बाट सिंगापुर बाहिरएका छन् । नेपाल ३ खेलमा २ मा जित र १ खेलमा अंक बाँड्दै शीर्ष स्थानमा छ । अन्तिम खेलमा नेपालले बिहीबार कतारसँग खेल्नेछ । नेपालले पहिलो खेलमा मलेसियालाई ६ विकेट, दोस्रो खेलमा ओमानलाई ८४ रनले पराजित गर्दा साउदीसँग वर्षाको कारण अंक बाँडेको थियो ।

अन्तिम खेलमा कतारसँगको नतिजाले नेपाल समूह विजेता हुने वा उपविजेता हुने निर्धारण गर्नेछ । समूह ए बाट अव साउदी अरेविया र ओमान मध्य एक टोली सेमिफाइनलमा स्थान बनाउनेछन् । बुधबार ओमान र साउदीबीच टियुमा प्रतिस्पर्धा हुनेछ। विजेता टोली सेमिफाइनलमा स्थान बनाउँदा पराजित टोली बाहिरिनेछ।

ओमान ३ खेलमा २ मा जित र १ मा हारसहित ४ अंकका साथ तेस्रो स्थानमा छ । साउदी ३ खेलमा १ मा जित, १ मा हार र १ खेलमा अंक बाँड्दै चौथो स्थानमा छ । मलेसिया ४ खेलमा २ मा जित र २ मा हारका साथ ४ अंक जोड्दै दोस्रो स्थानमा रहेर बाहिरिएको छ । कतार तीनै खेलमा पराजित हुँदै बाहिरिएको छ ।

समूह बी मा हङकङ ३ खेलमा ५ अंकका साथ शीर्ष स्थानमा छ । हङकङले अन्तिम खेल बिहीबार कुवेतसँग खेल्नेछ । कुवेत ३ खेलमा २ मा जित र १ मा हारसहित ४ अंकका साथ चौथो स्थानमा छ । हङकङ र कुवेतबीचको खेल क्वाटरफाइनल सरह हुनेछ । विजेता टोली सेमिफाइनलमा पुग्नेछ ।

उता युएई ३ खेलमा २ मा जित र १ मा हारसहित ४ अंकका साथ दोस्रो स्थानमा छ । बहराइन ३ खेलमा १ मा जित र १ मा हारसहित ३ अंकका साथ चौथो स्थानमा छ । बहराइन र युएईबीच बुधबार मुलपानीमा प्रतिस्पर्धा हुनेछ । यस खेलको विजेता टोली सेमिफाइनलमा पुग्नेछ । त्यसैले नेपाल बाहेक अन्य कुनैपनि टोलीले सेमिफाइनलमा स्थान बनाउन सकेका छैनन् ।

बुधबार टियुमा साउदी र ओमानबीच प्रतिस्पर्धा हुनेछ । मुलपानीमा युएई र बहराइनबीच प्रतिस्पर्धा हुनेछ । यी दुई खेलको विजेता टोली सेमिफाइनलमा पुग्नेछन् । बिहीबार टियुमा नेपाल र कतारबीच प्रतिस्पर्धा हुनेछ । मुलपानीमा हङकङ र कुवेतबीच प्रतिस्पर्धा हुनेछ । विजेता टोलीले सेमिफाइनलमा स्थान बनाउनेछन् ।

प्रतियोगिता पहिलो सेमिफाइनल खेलमा समूह ए को विजेताले समूह बी को उपविजेतासँग खेल्नेछ । दोस्रो सेमिफाइनल खेलमा समूह बी को विजेताले समूह ए को उपविजेतासँग खेल्नेछ । सेमिफाइनल शनिबार हुनेछ । फाइनल सोमबार हुनेछ । प्रतियोगिता विजेता टोलीले एसिया कपमा भारत र पाकिस्तासँग खेल्न पाउनेछ ।

शीर्ष तीन टोलीले एसिसी इमर्जिङ टिम्स एसिया कप खेल्न पाउनेछन् । इमर्जिङ टिप्समा एसियाका टेस्ट टोलीका यू-२३ टोलीको सहभागिता रहनेछ । एसिया कप सेप्टेम्बरमा पाकिस्तान र इमर्जिङ टिम्स एसिया कप जुलाईमा हुनेछ।

अंक तालिका

समूह ए मा नेपाल ३ खेलमा २ मा जित र एक खेलमा अंक बाँड्दै ५ अंकका साथ शीर्ष स्थानमा छ । मलेसिया ४ खेलमा २ मा जित र २ मा हारसहित ४ अंकका साथ दोस्रो स्थानमा रहेर बाहिरियो । साउदी र ओमानले एक अर्कासँग खेल्न बाँकी हुँदा मलेसिया बाहिरिएको हो । यी दुई मध्य एक टोलीले कम्तिमा पाँच अंक ल्याउने पक्का छ ।

ओमान ३ खेलमा २ मा जित र १ मा हारसहित ४ अंकका साथ तेस्रो स्थानमा छ । साउदी ३ खेलमा १ मा जित, १ मा हार १ खेलमा अंक बाँड्दै ३ अंकका साथ चौथो स्थानमा छ । कतार ३ खेलमा जित विहीन हुँदै पुछारमा रहेर बाहिरिएको छ ।

समूह बी मा हङकङ ३ खेलमा २ मा जित र १ खेलमा अंक बाँड्दै ५ अंकका साथ शीर्ष स्थानमा छ । युएई ३ खेलमा २ मा जित र १ मा हारसहित ४ अंकका साथ दोस्रो स्थानमा छ ।

कुवेत ३ खेलमा २ मा जित र १ मा हारसहित ४ अंकका साथ तेस्रो स्थानमाछ । बहराइन ३ खेलमा १ मा जित, १ खेलमा हार र १ खेलमा अंक बाँड्दै ३ अंकका साथ चौथो स्थानमा छ । सिंगापुर सबै खेलमा जित विहीन हुँदै बाहिरिएको छ ।

February 25, 2024

नेपालले टस हार्यो, टोलीमा २ परिवर्तन

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजको अन्तिम खेलमा नेपालले नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो फिल्ड गर्ने निर्णय लिएसँगै नेपालले पहिलो ब्याटिङ गर्ने भएको हो । आज नेपाली टोलीमा दुई परिवर्तन भएको छ । देव खनाल र सोमपाल कामीले विश्राम पाउँदा गुलशन झा र […]

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

Success

Thank you for your time.