default_image

1 year ago

April 26, 2023

कतारविरुद्ध सन्दीपलाई विश्राम दिने सम्भावना

109 views

0 Bookmark

काठमाडौं (हाम्रो खेलकुद) – नेपालले एसिसी प्रिमियर कपमा समूह चरणको अन्तिम खेलमा कतारविरुद्ध स्पिनर सन्दीप लामिछानेलाई विश्राम दिने सम्भावना छ । नेपालले बिहीबार टियु क्रिकेट मैदानमा आफ्नो समूह चरणको अन्तिम खेलमा कतारसँग खेल्दैछ ।

नेपाल ३ खेलमा २ मा जित र १ खेलमा अंक बाँड्दै ५ अंकका साथ दोस्रो स्थानमा छ । ओमान ४ खेलमा ३ मा जित र १ मा हारसहित ६ अंकका साथ शीर्षस्थानमा छ । नेपाल समूह विजेता बन्न अन्तिम खेलमा विजयी हुनुपर्छ । अथवा वर्षा वा कुनै कारण खेल रद्ध हुँदा पनि नेपाल समूह विजेता बन्नेछ ।

नेपालले समूह चरणको अन्तिम खेलमा प्रमुख स्पिनर सन्दीप लामिछानेसहित दुई खेलाडीलाई विश्राम दिने सम्भावना छ । नेपालले बेन्चमा बस्दै आएका ज्ञानेन्द्र मल्ल र बायाँ हाते युवा तीव्र गतिका बलर प्रतिश जि.सीलाई मौका दिनसक्ने सम्भावना छ । यी दुई खेलाडीलाई मौका दिन नेपालले सन्दीप लामिछाने र सोमपाल कामीलाई विश्राम दिन सक्ने सम्भावना देखिन्छ ।

कतार नेपाल भन्दा तुलनात्मक रुपमा कमजोर टोली हो । त्यसैले सन्दीप र सोमपाललाई विश्राम दिँदा डराउनु पर्दैन । अर्कोतर्फ नेपालले सेमिफाइनल शनिबार खेल्नेछ । सेमिफाइनलमा नेपालले युएईसँग खेल्ने उच्च सम्भावना छ । सेमिफाइनल अघि नेपालले आफ्ना प्रमुख दुई बलरलाई विश्राम दिन चाहन्छ ।

नेपालले टोलीमा भने अन्य परिवर्तन गर्ने सम्भावना छैन । ओपनरमा आसिफ शेख र कुशल भुर्तेलले निरन्तरता पाउनेछन् । यी दुई ओपनरबाट नेपाल राम्रो सुरुवात चाहन्छ ।

नेपालले तेस्रो नम्बरमा ज्ञानेन्द्र मल्ल, चौथो नम्बरमा भीम सार्की, पाँचौं नम्बरमा रोहित पौडेल र छैटौं नम्बरमा कुशल मल्ललाई खेलाउने सम्भावना छ । कुशल मल्लले ओमानविरुद्ध ५९ बलमै शतक हानेका थिए । कुशलले राम्रो प्रदर्शन गर्दै आएका छन् ।

ज्ञानेन्द्रबाट नेपाल ठूलो प्रदर्शन चाहन्छ । भीम र रोहित नेपालका प्रमुख ब्याटर हुन् । नेपालको ब्याटिङमा गहिराई छ । खराब सुरुवात गर्दापनि राम्रो पूनरागमन गर्नसक्छ । सातौं र आठौं नम्बरमा आरिफ शेख र दीपेन्द्रसिंह ऐरी खेल्नेछन् ।

सुरुवाती खेलमा खासै ब्याटिङको अवसर नपाएका यी दुई खेलाडीलाई कतारविरुद्ध राम्रो अवसर बन्नेछ । तीव्र गतिका बलरमा प्रतिश जि.सी र करण केसी हुनेछन् । यी दुबै खेलाडी राम्रो ब्याटिङको क्षमता राख्छन् ।

स्पिनरमा ललित नारायण राजवंशी हुनेछन् । उनीबाट पावर प्लेमा पुन विकेट चाहन्छ । नेपालले पावर प्ले र डेथ ओभरमा भने उत्कृष्ट प्रदर्शन गर्नुपर्ने हुन्छ । स्पिन आक्रामणमा ललितलाई कुशल र दीपेन्द्रले साथ दिनेछन् ।

नेपालको सम्भावित प्लेइङ ११ :

आसिफ शेख (विकेटकिपर), कुशल भुर्तेल, ज्ञानेन्द्र मल्ल, भीम सार्की, रोहित पौडेल (कप्तान) कुशल मल्ल, दीपेन्द्रसिंह ऐरी, आरिफ शेख, करण केसी, प्रतिश जि.सी र ललितनारायण राजवंशी ।

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

Success

Thank you for your time.