default_image

1 year ago

April 30, 2023

चेन्नईमाथि पन्जाबको रोमान्चक जित

148 views

0 Bookmark

एजेन्सी – पन्जाब किंग्सले इन्डियन प्रिमियर लिग (आइपिएल) २०२३ को ४१ औं खेलमा चेन्नई सुपर किंग्समाथि चार विकेटको रोमान्चक जित हात पारेको छ । जितको लागि २ सय १ रनको विशाल विजयी लक्ष्य पछ्याएको पन्जाबले निर्धारित २० ओभरमा ६ विकेट गुमाउँदै पूरा गर्यो ।

पन्जाबलाई जितको लागि अन्तिम ६ बलमा ९ रन चाहिँएको थियो । तीव्र गतिका बलर मथिसा पाथिरानाले पहिलो बल राजालाई एक रन दिएका थिए । दोस्रो बलमा शाहरुख खानले लेग वाइको रुपमा एक रन बटुले ।

तेस्रो बल उनले डट राखेका थिए । चौथो र पाँचौं बलमा समान दुई रन बटुलेका थिए । जितको लागि अन्तिम बलमा तीन रन चाहिँएको थियो । राजाले तीन रन बटुल्दै रोमान्चक जित दिलाए ।

पन्जाबका ओपनर प्रभसिम्रन सिंहले २४ बलमा ४ चौका र २ छक्कासहित ४२ रनमा आउट भए । लियाम लिभिङस्टोन २४ बलमा १ चौका र ४ छक्कासहित ४० र साम करन २१ रनमा आउट भए । सिकन्दर राजा ७ बलमा १ चौकासहित १३ रनमा अविजित रहे । शाहरुख खान २ रनमा अविजित रहे ।

चेन्नईका तीव्र गतिका बलर तुषार देशपान्डेले ४ ओभरमा ४९ रन खर्चेर ३ विकेट लिए । रविन्द्र जडेजाले ४ ओभरमा ३२ रन खर्चेर २ विकेट लिए । मथिसा पाथिरानाले ४ ओभरमा ३२ रन खर्चेर १ विकेट लिए ।

त्यसअघि घरेलु मैदानमा टस जितेर पहिला ब्याटिङ रोजेको चेन्नईले निर्धारित २० ओभरमा ४ विकेट गुमाउँदै २ सय रन बनायो । चेन्नईका ओपनर डेभन कन्वेले ५२ बलमा १६ चौका र १ छक्कासहित सर्वाधिक ९२ रनमा अविजित रहे ।

ऋतुराज गायकवाडले ३१ बलमा ४ चौका र १ छक्कासहित ३७, शिवम दुबे २८, मोईन अली १० र रविन्द्र जडेजा १२ रनमा आउट भए । कप्तान महेन्द्रसिंह धोनी ४ बलमा २ छक्कासहित १३ रनमा अविजित रहे ।

पन्जाब किंग्स ९ खेलमा ५ मा जित र ४ मा हारसहित १० अंकका साथ पाँचौं स्थानमा छ । चेन्नई ९ खेलमा ५ मा जित र ४ मा हारसहित १० अंकका साथ चौथो स्थानमाछ । गुजरात ८ खेलमा ६ मा जित र २ मा हारसहित १२ अंकका साथ शीर्ष स्थानमा छ ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.