1 year ago
May 2, 2023
काठमाडौं (हाम्रो खेलकुद) – युएईका स्पिनर रोहन मुस्तफा र नेपालका आसिफ शेखबीच टियु क्रिकेट झगडा भएको छ । एसिसी प्रिमियर कपको फाइनल खेलमा जितको लागि १ सय १८ रनको विजयी लक्ष्य पछ्याएको नेपालले ८ ओभरमा ३ विकेट गुमाउँदै २२ रन बनाएको छ ।
मुस्तफा र आसिफबीच चौथो ओभरको तेस्रो बलमा भनाभन भएको हो । चोभार एण्डबाट बलिङमा आएका मुस्तफाले नन स्ट्राइकमा भएका आसिफलाई केहि भनेपछि भनाभन सुरु भएको थियो । आसिफ आक्रोश हुँदै मुस्तफासँग कुरा गरेका थिए । यी दुई खेलाडीबीच केहि समय भनाभन भएको थियो । युएईका कप्तान मोहम्मद वासिमले आसिफ शेखलाई समाउदै केहि सम्झाई बुझाई गरेका थिए । अम्पायरले दुबै खेलाडीलाई झगडा नगर्न भनेका थिए ।
स्पिनर आयन खानको सातौं ओभरको पहिलो बलमा आसिफ ८ रनमा एलबीडब्लू आउट भए । तर आसिफ पेभेलिएन फर्किनेक्रममा वृत्यसँग पुन झगडा परेको थियो । युएईका स्पिनर आयन खानले आसिफलाई सम्झाउँदै पेभेलिएन फर्किन सुझाव दिएका थिए । आसिफले हात देखाउँदै युएईका वृत्यसँग पुन आक्रोश ब्यक्त गरेका थिए ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको युएई ३३.१ ओभरमा १ सय १७ रनमा अल आउट भयो । सोमबार वर्षाको कारण २७.३ ओभरमा ९ विकेट गुमाउदै १ सय ६ रन बनाएको अवस्थामा खेल रोकिँदा मंगलबार ११ रन जोड्दै युएई १ सय १७ रनमा अल आउट भयो ।
खेल स्थगित भएपछि मंगलबार त्यहिँ अवस्थाबाट खेल सुरु भएको थियो । मंगलबार युएईले १५ औं बलमा रनको खाता खोलेको थियो । अन्तिम विकेटको रुपमा जुनैद सिद्दिक १७ बलमा १ छक्कासहित १० रनमा कुशल भुर्तेलबाट क्याच आउट भए । युएईका आसिफ खानले ५४ बलमा ७ चौका र १ छक्कासहित सर्वाधिक ४६ रन बनाए ।
नेपालका स्पिनर ललितनारायण राजवंशीले ७.१ ओभरमा २ मेडनसहित १४ रन खर्चेर सर्वाधिक ४ विकेट लिए । यस खेलको विजेताले एसिया कपमा भारत र पाकिस्तानसँग खेल्न पाउनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]