काठमाडौं (हाम्रो खेलकुद) – १६ सहभागीहरू सहित कीर्तिपुर स्थित क्रिकेट मैदानमा आगामी मंगलबार (पोष २६ ) देखि काठमाडौं क्रिकेट प्रशिक्षण केन्द्र (केसिटिसि)को आयोजना र रुस्लान क्रिकेटको मुख्य प्रायोजनमा रुस्लान टि-२० क्रिकेट प्रतियोगिता सुरु हुँदै छ ।
त्रिभुवन आर्मी क्लब , सशस्त्र प्रहरी बल (एपिएफ) , खहरे क्रिकेट क्लब (धादिङ) , पिसी फाइटर ११ , रोयल पिसी फाइटर , अनुभुती एजुकेशन फाउन्डेसन (वीरगन्ज) , हिमालयन एकेडेमी , एसपिए (धादिङ) , न्यु राइजिङ स्टार , न्यु होराइजन क्रिकेट क्लब (भैरहवा) , कुलेश्वर क्रिकेट कल्ब, रुसलान केसिटिसि, नेपाली राइनोज , हिमालय व्हाइट हाउस कलेज , नेपाल क्रिकेट स्कूल गरी १६ टोलिको दुइ समुहमा बिभाजित हुनेछन ।
८ दिनसम्मको प्रतियोगितको फाइनल ४ माघमा हुनेछ । फाइनल खेलको प्रत्यक्ष प्रसारण पनि हुनेछ । प्रतियोगितको उपाधी जित्ने टोलीले ३ लाख नगद पुरस्कार प्राप्त गर्ने छ भने द्वितीय हुने टोलिले २ लाख पाउने छन । त्यस्तै सीमिफाइनलमा पराजित हुने दुइ टोलीले नगद २५००० प्राप्त गर्ने छन ।
