नयाँ दिल्ली (एजेन्सी)– युवराज सिंहले यसै महिना इङ्ल्यान्डविरुद्ध हुने श्र्रखंलाका लागि भारतीय क्रिकेटको एक दिवसिय र टि ट्वान्टी क्रिकेट टोलीमा पुनरागमन गर्ने भएका छन् ।
त्यस्तै एक दिवसिय र टि ट्वान्टी दुवै पद्धतीमा भारतीय टोलीको कप्तान विराट कोहली चयन भएका छन् । महेन्द्र सिंह धोनीले बुधबार दुवै एक दिवसिय र टि ट्वान्टी क्रिकेट टोलीको पदबाट राजीनामा दिएपछि पद खाली थियो । धोनी दुवै टोलमिा यथावत रहेका छन् । टेस्ट क्रिकेटबाट धोनीले यसअघि नै सन्यास लिएपछि कोहलीलाई टेस्टको टोलीको कप्तान बनाइएइको थियो ।
विकेट किपर ब्याट्सम्यान रिसव पन्त टि ट्वान्टी क्रिकेट टोलीमा समेटिएका छन् । रणजी ट्रफीमा ८१ को औसतमा ९ सय ७२ रन बनाएका पन्त पहिलो पटक अन्तर्राष्ट्रिय श्रृखंलाका लागि टोलीमा समेटिएका हुन् ।
भारतीय क्रिकेट कन्ट्रोल बोर्ड (बिसिसिआई) का एक अधिकारीले पन्तलाई धोनीको उत्तराधिकारीका रुपमा लिएको बताएका छन् ।
