एजेन्सी – श्रीलंका युवा तीव्र गतिका बलर मथिशा पाथिराना (बेबी मलिङ्गा) ले अफगानिस्तानविरुद्ध ओडिआई क्रिकेट टोलीमा डेब्यू गरेका छन् । श्रीलंकाले अफगानिस्तानसँगको खेल अघि पाथिराना र स्पिनर दासुन हेमन्थालाई डेब्यू दिएको छ ।

पाथिराना श्रीलंकाको ओडिआई टोलीमा डेब्यू गर्ने २ सय ९ औं खेलाडी हुन् । उनलाई कप्तान दासुन शानकाले डेब्यू क्याप दिएका हुन् । चेन्नई सुपर किंग्सलाई च्याम्पियन बनाउन सानदार प्रदर्शन गरेका पाथिराना बेबी मलिङ्गाको रुपमा चर्चित छन् ।

श्रीलंका पूर्व महान् तीव्र गतिका बलर मलिङ्गा र उनको बलिङ एश्सन मिल्ने गर्दछ । उनी योर्करका लागि चर्चित छन् । आइपिएलमा डेथ ओभरमा सानदार प्रदर्शन गरेका थिए ।

२० वर्षीय पाथिरानाले गतवर्ष अफगानिस्तानविरुद्ध नै टि२० आईमा डेब्यू गरेका थिए । श्रीलंका यू-१९ टोलीबाट खेलि सकेका छन् । उनले यस सिजनको आइपिएलमा १२ खेलमा १९ विकेट लिएका थिए ।

श्रीलंकाले तीन सातापछि जिम्बावेमा हुने विश्वकप छनोट अघि अफगानिस्तानसँग तीन खेलको ओडिआई सिरिज खेल्न लागेको हो । सुरुवाती दुई खेल राशिद खानले चोटका कारण गुमाउने छन् । खेल बिहान १०ः १५ मा सुरुहुनेछ ।

श्रीलंका विश्वकप छनोटमा समूह बी मा छ । समूह बी मा श्रीलंका, आयरल्यान्ड, स्कटल्यान्ड, युएई र ओमान छन् । समूह ए मा नेपाल, जिम्बावे, वेस्टइन्डिज, अमेरिका र नेदरल्यान्ड्स छन् । श्रीलंका उपाधिको प्रमुख दाबेदार टोली हो ।