default_image

12 months ago

June 7, 2023

कर्णाली इतिहासकै पहिलो पटक फाइनलमा

314 views

0 Bookmark

काठमाडौं (हाम्रो खेलकुद) – कर्णाली प्रदेशले जनकपुरमा जारी महेन्द्र नारायण निधी टि२० क्रिकेट प्रतियोगितामा बागमती प्रदेशलाई तीन रनले हराउँदै इतिहासमै पहिलो पटक फाइनलमा स्थान बनाएको छ ।

कणार्ली आफ्नो क्रिकेट इतिहासमा सिनियर टोलीले खेलेको कुनैपनि राष्ट्रिय स्तरको प्रतियोगितामा पहिलो पटक फाइनलमा पुग्न सफल भएको हो । यसअघि गतवर्ष कर्णालीको यू-१९ महिला टोलीले धनगढीमा सम्पन्न यू१९ राष्ट्रिय प्रतियोगिताको फाइनल खेल्दै गण्डकीसँग पराजित भएको थियो । त्यो नै कर्णालीले खेलेको कुनैपनि प्रतियोगिता पहिलो फाइनल थियो ।

सन् २०१८ देखि नेपालको राष्ट्रिय प्रतियोगिता खेल्दै आएको कर्णाली प्रधानमन्त्री कपमा समूह चरणबाटनै बाहिरिँदै आएको थियो । तर पछिल्लो समय कर्णालीले प्रधानमन्त्री कपमा पनि राम्रो प्रभाव छाड्दै आएको छ । कर्णालीको यसअघि नेपालका खेलेको कुनैपनि प्रतियोगिता फाइनलमा स्थान बनाउन सकेको थिएन ।

कर्णाली पहिलो खेलमा गण्डकीसँग ९५ रनले पराजित भएको थियो । जितको लागि १ सय ४१ रनको विजयी लक्ष्य पछ्याएको कर्णाली ४५ रनमा अल आउट भएको थियो । तर त्यसपछि कर्णालीले सानदार पूनरागमन गर्दै इतिहास रचेको हो ।

७ प्रदेश सहभागी प्रतियोगितामा सिंगल राउन्ड रोविनको आधारमा भएको छ । कर्णालीले त्यसपछि लगातार पाँच खेल जित्दै फाइनलमा स्थान बनाएकोे हो । कर्णालीले दोस्रो खेलमा लुम्बिनी प्रदेशलाई ३३ रन, तेस्रो खेलमा सुदूरपश्चिम प्रदेशलाई २६ रन, मधेश प्रदेशलाई एक विकेट र कोशी प्रदेशलाई ७ रनले हराएको थियो ।

जितको लागि १ सय २० रनको मध्यम विजयी लक्ष्य पछ्याएको बागमती प्रदेशले निर्धारित २० ओभरमा १ सय १६ रनमा अल आउट भयो । बागमती प्रदेशका गौतम केसीले १६ बलमा २ चौका र ३ छक्कासहित ३२ रन जोडे ।

बागमतीलाई जितको लागि अन्तिम ६ बलमा ११ रन चाहिँएको थियो । प्रकाश जैसीले पहिलो बलमा दुई र दोस्रो बलमा गौतमलाई बोल्ड गर्दै जिततर्फ अघि बढाएका थिए । तेस्रो बल तिलकलाई डट र चौथो बलमा एक रन दिए ।

रिजन ढकालले पाँचौं बलमा चौका प्रहार गरे । अन्तिम बलमा चौका बागमतीलाई जितको लागि चाहिँएको थियो । अन्तिम बलमा रिजनलाई बोल्ड गर्दै प्रकाशले इतिहास रचेका थिए ।

रित गौतम ३८ बलमा २ छक्कासहित ३३ र इशान पाण्डे डक आउट भए । कर्णालीको जितमा हिरो बनेका प्रकाश जैसीले २ ओभरमा १७ रन खर्चेर ४ विकेट लिए । दीनेश अधिकारीले ४ ओभरमा २४ रन खर्चेर ३ विकेट लिए । दिवान पुन, युनिस सिंह र अनुज चनाराले एक एक विकेट लिए ।

त्यसअघि रामजानकी मैदानमा टस जितेर पहिला ब्याटिङ रोजेको कर्णालीले निर्धारित २० ओभरमा ५ विकेट गुमाउँदै १ सय १९ रन बनाएको थियो । कर्णालीका हिमान्शु शाही ४१ बलमा ४ चौकासहित ३९ रनको महत्वपूर्ण अविजित इनिङ खेले । प्रकाश जैशी ११ बलमा १ चौका र १ छक्कासहित १८ रनमा नटआउट रहे ।

कप्तान रविन्द्रजंग शाही २१ बलमा ३ चौकासहित १८, दीपेन्द्र रावत ४, निश्चल रावल ७, अर्जुन घर्ती ४ र विपिन रावल १३ रनमा आउट भए । बागमतीका कृजन गुरुङले सर्वाधिक दुई विकेट लिए । तिलक भण्डारी, गौतम केसी र दीपेश श्रेष्ठले समान एक विकेट लिए ।

कर्णाली ६ खेलमा ५ मा जित र १ मा हारसहित शीर्ष स्थानमा छ । मधेश ६ खेलमा ४ मा जित र २ मा हारसहित ८ अंकका साथ दोस्रो स्थानमा छ । सुदूरपश्चिम ५ खेलमा ४ मा जित र १ मा हारसहित तेस्रो स्थानमा छ । सुदूरले अन्तिम खेल बिहीबार कोशी प्रदेशसँग खेल्नेछ । उक्त खेलमा सुदूर विजयी भएमा फाइनल खेल्नेछ । यदि सुदूर पराजित भएमा फाइनलमा शुक्रबार मधेशले प्रतिस्पर्धा गर्नेछ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.