5 months ago
June 22, 2023
काठमाडौं (हाम्रो खेलकुद) – नेपालले जिम्बावेमा जारी आइसिसी एकदिवसीय विश्वकप छनोटमा आज चार पटकको विश्वकप विजेता वेस्ट इन्डिजसँग खेल्दैछ । खेल नेपाली समय अनुसार १२ : १५ मा हरारे स्पोर्ट्स क्लबमा सुरु हुनेछ । नेपालले वेस्ट इन्डिजसँग कुनैपनि खेलमा पहिलो पटक खेल्न लागेको हो । नेपालको रोहित पौडेल र वेस्ट इन्डिजको शाई होपले कप्तानी गर्नेछन् […]
काठमाडौं (हाम्रो खेलकुद) – नेपालले जिम्बावेमा जारी आइसिसी एकदिवसीय विश्वकप छनोटमा आज चार पटकको विश्वकप विजेता वेस्ट इन्डिजसँग खेल्दैछ । खेल नेपाली समय अनुसार १२ : १५ मा हरारे स्पोर्ट्स क्लबमा सुरु हुनेछ ।
नेपालले वेस्ट इन्डिजसँग कुनैपनि खेलमा पहिलो पटक खेल्न लागेको हो । नेपालको रोहित पौडेल र वेस्ट इन्डिजको शाई होपले कप्तानी गर्नेछन् । चार पटकको विश्वकप विजेता वेस्ट इन्डिजमा विश्व स्तरिय टि२० ब्याटरको बाहुल्यता छ । वेस्ट इन्डिज नेपालमाथि रनको वर्षा गराउन चाहन्छ ।
तर पछिल्लो समय एसोसिएट क्रिकेटमा उच्च प्रदर्शन गर्दै आएको नेपाल आफ्नो उत्कृष्ट क्रिकेट खेल्दै वेस्ट इन्डिजलाई स्तब्ध पार्न खोज्नेछ । नेपाल पहिलो खेलमा जिम्बावेसँग ८ विकेटले पराजित भएको थियो । अमेरिकालाई नेपालले ६ विकेटले हराएको थियो । वेस्ट इन्डिजले पहिलो खेलमा अमेरिकालाई ३९ रनले हराएको थियो । नेपाल ओडिआई वरियतामा १४ औं र वेस्ट इन्डिज १० औं स्थानमा छ ।
वेस्ट इन्डिज सन् १९७५ र १९७९ विश्वकपको च्याम्पियन टोली हो । त्यस्तै २०१२ र २०१६ को पनि टि२० विश्वकप उपाधि जितेको थियो । वेस्ट इन्डिजलाई दुई टि२० विश्वकप जिताउने कप्तान ड्यारेन स्यामी टोलीका मुख्य प्रशिक्षक छन् । उनी आफ्नो अनुभव युवा खेलाडीलाई दिँदै विश्वकपमा पुर्याउन चाहन्छन् ।
नेपाली क्रिकेट टोलीका मुख्य प्रशिक्षक मोन्टी देशाई वेस्ट इन्डिजका पूर्व ब्याटिङ प्रशिक्षक हुन् । २०१९ देखी २०२३ सम्म वेस्ट इन्डिज टोलीमा रहेर काम गरेका थिए । मोन्टीलाई वेस्ट इन्डिजका ब्याटरको कमजोरी राम्रोसँग थाहाछ । त्यसैले मोन्टी आज निर्णायक बन्न सक्छन् ।
वेस्ट इन्डिजका शाई होप प्रमुख हतियार हुन् । ओडिआईका भरपर्दा ब्याटर होपले १ सय ९ ओडिआईमा १४ शतक र २२ अर्धशतकका साथ ४५ सय ४२ रन बनाएका छन् । विश्वकप छनोट खेल्ने ब्याटरमा सबैभन्दा बढी ओडिआई शतक हान्ने खेलाडी हुन् । उनी क्रिजमा धेरै समय टिकेको खण्डमा भने नेपालको जितको सम्भावना सकिनेछ ।
ओपनर कायल मेयर्स पहिलो खेलमा सस्तैमा आउट भएका थिए । उनी विष्फोटक ब्याटिङका लागि चर्चित छन् । बायाँ हाते मेयर्सले एकै ओभरमा खेललाई मोड्न सक्छन् । कायल मेयर्स, ब्रेन्डन किंग, जोनसन चाल्र्स, निकोलस पुरन र रोभम्यान पावेल जस्ता विश्वस्तरिय टि२० विशेष खेलाडी छन् । यी मध्य एक खेलाडी क्रिजमा टिकेको खण्डमा पनि नेपालको जित कठिन बन्ने पक्का छ ।
पुरन र पावेलको प्रदर्शन अझ महत्वपूर्ण हुनेछ । नेपालको डेथ ओभर कमजोर हुँदा यी दुई विष्फोटक ब्याटरले भरपूर्ण फाइदा उठाउन सक्छन् । यी दुबै चौका र छक्काको वर्षा गराउन सक्ने खेलाडी हुन् । वेस्ट इन्डिजको टोली नेपालविरुद्ध विष्फोटक ब्याटिङका साथ विशाल योगफल बनाउने सोचमा हुनेछ ।
जेसन होल्डर र रोश्टन चेश अलराउन्डरको रुपमा छन् । होल्डर विश्व स्तरिय अलराउन्डर हुन् । तीव्र गतिको बलरमा अल्जारी जोशेफ र किमो पल हुनेछन् । जोशेफ नेपाललाई घातक बन्नसक्छन् ।
उनले प्रतिघण्टा १ सय ५२ किलोमिटरको गतिमा बलिङ गर्ने खुबी राख्छन् । जुन हालसम्म नेपाली ब्याटरले सामना नगरेको गति हो । उनको बाउन्स र योर्करबाट नेपाल बच्नुपर्छ । मेयर्स र होल्डर पार्ट टाइम तीव्र गतिका बलर हुन् । यानिक कारिहा र अकिल हुसैन स्पिनर हुन् ।
वेस्ट इन्डिज नेपालविरुद्ध विष्फोटक शैलीमा मैदान उत्र्रन सक्छ । त्यो नै उनीहरुको कमजोरी बन्नसक्छ । आक्रामक ब्याटिङ गर्दा विकेट गुम्ने खतरा पनि त्यतिनै बढी हुन्छ ।
यता नेपालले टोलीमा कुनैपनि परिवर्तन गर्ने सम्भावना छैन । नेपाली ब्याटर संयमितका साथ खेल्नुपर्ने हुन्छ । ओपनर कुशल भुर्तेल राम्रो लयमा छन् । भुर्तेलले जिम्बावेसँग ९९ रनमा आउट भएका थिए । नेपाल ओपनर आसिफ शेख र कुशलबाट उत्कृष्ट सुरुवात चाहन्छ । जिम्बावेविरुद्ध यी दुई ब्याटरले १ सय ७१ रनको साझेदारी गरेका थिए ।
भीम सार्कीले अमेरिकाविरुद्ध ७७ रनको इनिङ खेलेका थिए । भीमको भूमिका एक तर्फबाट विकेट बचाएर खेल्ने हुनेछ । रोहित पौडेल र कुशल मल्ल नेपालका मध्यक्रमका प्रमुख ब्याटर हुन् । यी दुई ब्याटरले आजको खेलमा उत्कृष्ट प्रदर्शन गर्नुपर्ने हुन्छ ।
आरिफ शेख र दीपेन्द्रसिंह ऐरीले तल्लोक्रम सम्हाल्नेछन् । सोमपाल कामी आज पनि नखेल्ने पक्का छ । उनी जिम्बावेसँगको खेलमा घाइते भएका थिए । सोमपाल नखेल्दा करण केसीमाथि जिम्मेवारी बढ्नेछ । अमेरिकाविरुद्ध सानदार प्रदर्शन गर्दै ४ विकेटक साथ प्लेयर अफ द म्याच चुनिएका थिए । उनीबाट नेपाल वेस्ट इन्डिजविरुद्ध त्यस्तै सुरुवात चाहन्छ । उनलाई गुलशन झाले साथ दिनेछन् ।
नेपालको स्पिनरमा ललित नारायण राजवंशी र सन्दीप लामिछाने हुनेछन् । ललितले नयाँ बलका साथ विकेट लिँदै आएका छन् । सन्दीप पछिल्ला दुई खेलमा विकेट विहीन छन् ।
नेपालका प्रमुख स्पिनर सन्दीपबाट नेपालको आशा उच्च छ । पार्ट टाइम स्पिनरमा कुशल मल्ल र दीपेन्द्र हुनेछन् । पार्ट टाइम तीव्र गतिका बलरमा आरिफ शेख हुनेछन् । नेपाल जित र हार भन्दा पनि आफ्नो उत्कृष्ट क्रिकेट विश्वलाई देखाउन चाहन्छ ।
यो पनि पढ्नुहोस् : वेस्ट इन्डिजलाई हराउन नेपालले फाइदा उठाउनु पर्ने पाँच कमजोरी
नेपालको टोली :
कुशल भुर्तेल, आसिफ शेख (विकेटकिपर), ज्ञानेन्द्र मल्ल, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, सन्दीप लामिछाने, भीम सार्की, प्रतिश जि।सी, ललित राजवंशी र अर्जुन साउद ।
वेस्ट इन्डिजको टोली :
शाई होप (कप्तान), रोभम्यान पावेल (उपकप्तान), शमाह्र ब्रुक्स, यानिक कारियाह, केसी कार्टी, रोस्टन चेश, जोनसन चाल्र्स, जेसन होल्डर, अकिल हुसैन, अल्जारी जोशेफ, ब्रेन्डन किंग, कायल मेयर्स, किमो पल, निकोलस पुरन र रोमारियो शेफर्ड ।
December 1, 2023
सुशिल पन्त क्षेत्री चितवन बागमती प्रदेश प्रधानमन्त्री कप क्रिकेट महिला छनोट प्रतियोगितामा काठमाडौं र ललितपुरले विजयी सुरुवात गरेका छन् । भरतपुरको गौतमवुद्ध अन्तर्राष्ट्रिय क्रिकेट रंगशालाको नमूना मैदानमा आजबाट सुरु भएको प्रतियोगिताको पहिलो खेलमा काठमाडौंले भक्तपुरलाई ९४ रनको फराकिलो अन्तरले पराजित गर्यो । जितको लागि १ सय ३७ रनको बलियो लक्ष्य पछ्याएको भक्तपुर १४.५ ओभरमा ४२ […]
December 1, 2023
एजेन्सी – भारतीय सर्वाधिक सफल ब्याटर सचिन तेन्दुलकरका छोरा अर्जनले विजय हजारे ट्रफीमा उत्कृष्ट प्रदर्शन गरेका छन् । गोवालाई नागालान्डविरुद्ध २ सय ३२ रनको सानदार जित दिलाउन उनले उत्कृष्ट बलिङ गरेका हुन् । जितको लागि ३ सय ८४ रनको विशाल विजयी लक्ष्य पछ्याएको नागालान्ड ३९.१ ओभरमा १ सय ५१ रनमा अल आउट भयो । उसको […]
December 1, 2023
काठमाडौं (हाम्रो खेलकुद) – मधेश प्रदेशका कप्तान हरिशंकर शाह केपी ओली कपमा सर्वोत्कृष्ट खेलाडी (प्लेयर अफ द टुनामेन्ट) घोषित भएका छन् । आर्मीलाई फाइनलमा ११ रनले हराउन सानदार अलराउन्ड प्रदर्शन गरेका हरिशंकर सर्वोत्कृष्ट खेलाडी चुनिएका हुन् । नेपाली टोलीबाट खेलि सकेका हरिले फाइनलमा आर्मीलाई हराउन २७ रन बनाउनुको साथै ४ विकेट लिएका थिए । ११ […]