default_image

11 months ago

June 23, 2023

युएई समूह चरणबाटै बाहिरियो

121 views

0 Bookmark

एजेन्सी – आइसिसी विश्वकप छनोटमा युएई लगातार तेस्रो हारका साथ समूह चरणबाटै बाहिरिएको छ । समूह ए को अमेरिकापछि समूह चरणबाटै बाहिरिने युएई दोस्रो टोली हो ।

समूह बीमा युएई जित्नै पर्ने खेलमा स्कटल्यान्डसँग १ सय ११ रनले पराजित हुँदै बाहिरिएको हो । जितको लागि २ सय ८३ रनको विजयी लक्ष्य पछ्याएको युएई १ सय ७१ रनमा अल आउट भयो ।

युएईका कप्तान मोहम्मद वासिमले ५७ बलमा ६ चौकासहित सर्वाधिक ३६ रन बनाए । त्यस्तै बासिल हामिद २९ बलमा २ चौका र २ छक्कासहित ३०, रोहन मुस्तफा १२, आसिफ खान १७, अली नासिर १९, आयन खान २१ र कार्तिक मयाप्पनले २३ रन बनाए ।

स्कटल्यान्डका शफ्यान शरिफले ६.३ ओभरमा १ मेडनसहित ३० रन खर्चेर सर्वाधिक ४ विकेट लिए । क्रिस सोलले ८ ओभरमा १ मेडनसहित ३७ रन खर्चेर ३ विकेट लिए ।

त्यसअघि बुलावायो एथ्लेटिक क्लबमा टस हारेर पहिला ब्याटिङको निम्तो पाएको स्कटल्यान्डले निर्धारित ५० ओभरमा ८ विकेट गुमाउँदै २ सय ८२ रन बनाएको थियो । स्कटल्यान्डका कप्तान रिची बेरिंग्टनले १ सय ३६ बलमा ९ चौका र ३ छक्कासहित १ सय २७ रनको कप्तानी शतकीय इनिङ खेले । उनको यो ओडिआई करिअरको चौथो शतक र उत्कृष्ट प्रदर्शन हो ।

मार्क वाट ३१ बलमा ४ चौका र २ छक्कासहित ४४ रनमा नट आउट थिए । आठौं विकेटका लागि रिची र मार्क वाटले ६६ बलमा १ सय ९ रनको सानदार शतकीय साझेदारी गर्दै विशाल योगफलको आधार तय गरेका थिए ।

स्कटल्यान्ड एक समय १४.५ ओभरमा ४८-४ को दयनीय अवस्थामा पुगेको थियो । पाँचौं विकेटका लागि रिचीले माइकल लिस्कसँग ६७ रनको साझेदारी गर्दै खेलमा फर्काएका थिए । लिस्क ४६ बलमा ३ चौका र २ छक्कासहित ४१ रनमा आउट भए ।

युएईका तीव्र गतिका बलर जुनैद्ध सिद्दिकले १० ओभरमा ४९ रन खर्चेर ३ विकेट लिए । अली नासिरले ९ ओभरमा ३७ रन खर्चेर २ विकेट लिए ।

युएई पहिलो खेलमा १ सय ७५ रन र ओमानसँग ५ विकेटले पराजित भएको थियो । युएईले अन्तिम खेल मंगलबार आयरल्यान्डसँग खेल्नेछ । यता स्कटल्यान्डको यो लगातार दोस्रो जित हो । समान दुई अंक भएपनि नेटरनरेटको कारण श्रीलंका शीर्षस्थानमा छ ।

स्कटल्यान्डले पहिलो खेलमा आयरल्यान्डलाई एक विकेटले हराएको थियो । स्कटल्यान्डले आइतबार ओमान र मंगलबार श्रीलंकासँग खेल्नेछ । स्कटल्यान्ड एक खेलमा विजयी भएमा सुपर सिक्समा पुग्नेछ । ओमानले पनि सुरुवाती दुई खेल जितेको थियो । स्कटल्यान्डलाई हराएको खण्डमा सुपर सिक्समा पुग्ने समिकरण छ ।

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

Success

Thank you for your time.