default_image

8 months ago

June 30, 2023

श्रीलंका नेदरल्यान्ड्ससँग अप्रत्याशित हारबाट बच्यो

एजेन्सी – विश्वकप विजेता श्रीलंका आइसिसी विश्वकप छनोटको सुपर सिक्स खेलमा एसोसिएट टोली नेदरल्यान्ड्ससँग अप्रत्याशित हारबाट जोगिएको छ । श्रीलंकाले नेदरल्यान्ड्सलाई २१ रनले हराउँदै विश्वकप नजिक पुगेको छ । जितको लागि २ सय १४ रनको मध्यम विजयी लक्ष्य पछ्याएको नेदरल्यान्ड्स ४० ओभरमा १ सय ९२ रनमा अल आउट भयो । नेदरल्यान्ड्सका कप्तान स्कट एडवार्ड्स ६८ […]

61 views

0 Bookmark

एजेन्सी – विश्वकप विजेता श्रीलंका आइसिसी विश्वकप छनोटको सुपर सिक्स खेलमा एसोसिएट टोली नेदरल्यान्ड्ससँग अप्रत्याशित हारबाट जोगिएको छ । श्रीलंकाले नेदरल्यान्ड्सलाई २१ रनले हराउँदै विश्वकप नजिक पुगेको छ ।

जितको लागि २ सय १४ रनको मध्यम विजयी लक्ष्य पछ्याएको नेदरल्यान्ड्स ४० ओभरमा १ सय ९२ रनमा अल आउट भयो । नेदरल्यान्ड्सका कप्तान स्कट एडवार्ड्स ६८ बलमा ४ चौका र २ छक्कासहित ६७ रनमा नट आउट रहे । स्कटको यो लगातार चौथो अर्धशतक हो । तर पनि टोलीलाई जिताउन सकेनन् । कप्तान दासुन शानकाले आर्यन दत्तलाई ७ रनमा बोल्ड गर्दै जित पक्का गराएका थिए ।

अनुभवी ब्याटर वेस्ली ब्यारेसी ५० बलमा ६ चौका र १ छक्कासहित ५२ रनमा आउट भए । बास डि लिडेले ५३ बलमा ३ चौकासहित ४१ रन बनाए । तीव्र गतिका बलर लाहिरु कुमाराले पहिलो ओभरको दोस्रो बलमै ओपनर विक्रमजित सिंहलाई शून्यमा क्याच आउट गराए । दोस्रो ओभरकै पहिलो बलमा दिलशान मदुशानकाले आक्रामक ब्याटर म्याक्स ओडाउडलाई गोल्डेन डक एलबीडब्लू आउट गरेपछि नेदरल्यान्ड्स १.१ ओभरमा ११–२ को अवस्थामा पुगेको थियो ।

तेस्रो विकेटका लागि लिडे र व्यारेसीले ८० बलमा ७७ रनको साझेदारी गर्दै खेलमा फर्काएका थिए । १५ औं ओभरमा ब्यारेसी रन आउट भएपछि श्रीलंका खेलमा फर्किएको थियो । ब्यारेसी रन आउट हुँदा नेदरल्यान्ड्स १४.२ ओभरमा ८८–३ को अवस्थामा थियो ।

१६ औ ओभरमा वानिन्दु हसरंगाले प्रमुख ब्याटर तेजा निडामानुरुलाई शून्यमा बोल्ड गरे । २२ औं ओभरको पाँचौं बलमा लिडे थिक्सेनाको बलमा बोल्ड आउट हुन पुगे । त्यो बेला नेदरल्यान्ड्स १२७-५ को अवस्थामा थियो ।

थिक्सेनाले सकिब जुलफिकरलाई २ रनमा एलबीडब्लू आउट गरे । वेस्ट इन्डिजलाई हराउन नायक बनेका लोगेन बान बिक शून्यमा थिक्सेनाको बलमा बोल्ड हुन पुगेपछि जित केहि कठिन बनेको थियो । शरिज अहमद २ रनमा रन आउट भए । रायन केलिन हसरंगाको बलमा ५ रनमा बोल्ड भएपछि नेदरल्यान्ड्स १७६–९ को अवस्थामा पुगेको थियो ।

श्रीलंकाका स्पिनर वानिन्दु हसरंगाले १० ओभरमा ५३ रन खर्चेर २ विकेट लिए । महेश थिक्सेनाले ९ ओभरमा २ मेडनसहित ३१ रन खर्चेर ३ विकेट लिए । लाहिरु कुमारा, दिलशान मदुशानाका र दासुन शानकाले समान एक विकेट लिए ।

त्यसअघि क्विन्स स्पोर्ट्स क्लबमा टस जितेर पहिला ब्याटिङ रोजेको श्रीलंका ४७.४ ओभरमा २ सय १३ रनमा अल आउट हुन पुगेको थियो । श्रीलंकाको जितमा धनन्जय डि सिल्भाले १ सय ११ बलमा ८ चौका र २ छक्कासहित सर्वाधिक ९३ रन बनाएका थिए । उनी स्पिनर आर्यन दत्तको ४७ औं ओभरको पहिलो बलमा डिप मिडविकेटमा बास डि लिडेबाट समातिन पुगेपछि ओडिआई करिअरको पहिलो शतक बनाउने अवसर गुमाएका थिए ।

एक समय १३१(७ मा पुगेको श्रीलंकालाई आठौं विकेटका लागि महेश थिक्सेना र धनन्जय डि सिल्भाले ७७ रनको महत्वपूर्ण साझेदारी गर्दै साख बचाएका थिए । थिक्सेना ४७ बलमा १ चौकासहित २८ रनमा आउट भए ।

श्रीलंकाका ब्याटरको प्रदर्शन सम्झन लायक थिएन । तीव्र गतिका बलर लोगन भान बिकले नेदरल्यान्ड्सलाई ड्रिम सुरुवात दिलाएका थिए । बिकले पहिलो ओभरको पहिलो बलमै श्रीलंकाका ओपनर पाथुम निसांकालाई सकिबबाट क्याच गराए । रायन केलिनले चौथो ओभरको पाँचौं बलमा १० रनमा एलबीडब्लू आउट गरे ।

लोगन भान बीकको बलमा सदिरा समाराविक्रमा एक रनमा कप्तान स्कट एडवार्ड्सबाट क्याच आउट भएपछि श्रीलंका ४.५ ओभरमा २७-३ को अवस्थामा पुगेको थियो । बिकले चारिथ असांकालाई तेजा निडामानिरुबाट २ रनमा क्याच गराए ।

स्पिनर सकिब जुफिकरको बलमा दिमुथ करुणारत्ने ३३ रनमा एज लागेर विकेटकिपरबाट क्याच आउट भए । उनले ५१ बलमा २ चौका प्रहार गरे । सकिबको बलमा स्वीप खेलेका कप्तान दासुन शानका मिस भएपछि ५ रनमा एलबीडब्लू आउट हुँदा श्रीलंका २५.१ ओभरमा ९६-६ को दयनीय अवस्थामा पुगेको थियो ।

वानिन्दु हसरंगा २१ बलमा १ चौका र १ छक्कासहित २० रनमा आउट भए । नेदरल्यान्ड्सका लोगन भान बिकले ९ ओभरमा २ मेडनसहित २६ रन खर्चेर ३ विकेट लिए । बास डि लिडेले ९.४ ओभरमा ४२ रन खर्चेर ३ विकेट लिए । सकिब जुलफिकरले १० ओभरमा ४८ रन खर्चेर २ विकेट लिए ।

आर्यन दत्त र रायन केलिनले समान एक विकेट लिए । श्रीलंका आइतबार जिम्बावे र शुक्रबार वेस्टइन्डिजसँग खेल्नेछ । बाँकी दुई मध्य एक जित निकाले विश्वकपमा पुग्नेछ । नेदरल्यान्ड्सले सोमबार ओमान र बिहीबार स्कटल्यान्डसँग खेल्नेछ ।

सुपर सिक्समा श्रीलंका ३ खेलमा ६ अंकका साथ शीर्षस्थानमा छ । जिम्बावेको ३ खेलमा ६ अंक भएपनि नेटरनरेटको कारण दोस्रो स्थानमा छ । यी दुई टोली विश्वकप खेल्ने सम्भावना उच्च छ ।

March 2, 2024

बलिङ चम्कँदा नेपाललाई सामान्य लक्ष्य

काठमाडौं (हाम्रो खेलकुद) – बलरहरुले उत्कृष्ट प्रदर्शन गर्दा त्रिकोणात्मक सिरिजको पाँचौ खेलमा नेपालले नेदरल्यान्ड्सविरुद्ध १ सय २१ रनको सामान्य लक्ष्य पाएको छ । टस जितेर पहिलो ब्याटिङ रोजेको नेदरल्यान्ड्सले १९.३ ओभरमा अलआउट हुनुअघि १ सय २० रन जोड्यो । पहिलो ओभरमै दुई विकेट गुमाएको नेदरल्यान्ड्सले तेस्रो विकेटका लागि संयमित साझेदारी पाएको थियो । तर मध्यक्रममा […]

March 2, 2024

प्रतिश र कुशललाई लगातार २-२ विकेट

काठमाडौं (हाम्रो खेलकुद) – बायाँ हाते तीव्र गतिका बलर प्रतिश जिसी र बायाँ हाते स्पिनरले एकै ओभरमा नेदरल्यान्ड्सका २-२ ब्याटरलाई आउट गरेका छन् । नेदरल्यान्ड्स १० ओभर सकिँदा ६ विकेट गुमाएर ६० रनको दयनीय स्थितिमा छ । क्रिजमा तेजा निदामानुरु २ रनमा छन् । इनिङको नवौं ओभरमा प्रतिशले डच कप्तान स्कट एडवार्ड्स र ओपनर म्याक्स […]

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

Success

Thank you for your time.