1 year ago
July 5, 2023
एजेन्सी – नेपाली मुलका विकेटकिपर सुरज कुमारको अर्धशतकमा ओमानले आइसिसी विश्वकप छनोटको सुपर सिक्स खेलमा वेस्टइन्डिजलाई २ सय २२ रनको मध्यम लक्ष्य दिएको छ ।
हरारे स्पोर्ट्स क्लबमा टस हारेर पहिला ब्याटिङको निम्तो पाएको ओमानले निर्धारित ५० ओभरमा ९ विकेट गुमाउँदै २ सय २१ रन बनायो । ओमानका सुरज कुमार ६५ बलमा ५ चौका र १ छक्कासहित ५३ रनमा अविजित रहे । सुरजको पुख्यौली घर बाग्लुङ हो । पञ्जावको जालन्धरमा जन्मिएका सुरज उतै हुर्किए ।
आठ वर्षअघि उनी ओमान गएका थिए । सुरजले २०१९ देखी ओमानको टोलीबाट खेल्दै आएका छन् । आइसिसी विश्वकप लिग २ मा २०२० मा सुरज नेपाल खेल्न आएका थिए । त्यो बेला उनका बुबा र आमा पनि नेपाल आएका थिए ।
ओमानका शोएब खान ५४ बलमा ५ चौका र १ छक्कासहित ५० रनमा रन आउट भए । मोहम्मद नदिम २०, आयन खान ३०, कप्तान अकिब इलियास १, जतिन्दर सिंह ८ र कश्याप प्रजापति ३१ रनमा आउट भए ।
वेस्टइन्डिजका रोमारियो शेफर्डले १० ओभरमा १ मेडनसहित ४४ रन खर्चेर ३ विकेट लिए । कायल मेयर्स ७ ओभरमा १ मेडनसहित ३१ रन खर्चेर २ विकेट लिए । यी दुबै टोली विश्वकप यात्राबाट बाहिरिएका छन् ।
सुरजको पूरा क्रिकेट जीवनी पढ्नुहोस् : ओमान क्रिकेटका नेपाली, जो नेपालबाटै खेल्न चाहन्छन्
September 14, 2024
काठमाडौं (हाम्रो खेलकुद)- नेपाल प्रिमियर लिग (एनपिएल) को मार्की खेलाडीको टोली टुंगो लागेको छ। नेपाल क्रिकेट संघ (क्यान) ले शनिवार पत्रकार सम्मेलनमा गोला प्रथाद्वारा मार्की खेलाडीको टोली तय भएको थियो। क्यान सचिव पारस खड्काले कार्यक्रममा खेलाडी अक्सन दशैं अघि हुने जानकारी दिए । अक्सनमा विभिन्न श्रेणीमा खेलाडीलाई विभाजन गरीने छ । मार्की खेलाडीको मुल्य भने […]
September 14, 2024
काठमाडौं(हाम्रो खेलकुद) – नेपाल प्रिमियर लिग (एनपिएल) को ८ टोलीका मार्की खेलाडी हरेकको मुल्य २० लाख रुपैयाँ तोकिएको छ। नेपाल क्रिकेट संघ(क्यान) ले शुक्रवार राष्ट्रिय क्रिकेट टोलीका कप्तान रोहित कुमार पौडेलसहित टोलीका अन्य सदस्य दीपेन्द्र सिंह ऐरी, सन्दीप लामिछाने, सोमपाल कामी, करण केसी, आसिफ सेख, कुशल भुर्तेल र कुशल मल्ललाई मार्की खेलाडीका रुपमा घोषणा गरेको […]
September 14, 2024
एजेन्सी – घरेलु टोली इङ्ग्ल्यान्डले शुक्रवार अस्ट्रेलियालाई दोस्रो टि ट्वान्टीमा ३ विकेटले पराजित गरेको छ । जितसँगै इङ्ल्यान्डले ३ खेलको सिरिजमा १-१ को बराबरी गरेको छ । पहिलो खेल अस्ट्रेलियाले २८ रनले जितेको थियो । कार्टिफमा भएको खेलमा अस्ट्रेलियाले दिएको १ सय ९४ रनको लक्ष्य घरेलु टोलीले १९ ओभरमा ७ विकेट गुमाएर लक्ष्य पूरा गर्यो […]
