1 year ago
July 18, 2023
एजेन्सी – ओमान ए एसिसी इमर्जिङ टिम्स एसिया कपमा श्रीलंका ए सँग ४२ रनमा अल आउट भएको छ । श्रीलंका २ सय १७ रनको फराकिलो अन्तरको जितको साथ समूह ए को विजेता बन्दै सेमिफाइनलमा पुगेको छ ।
जितको लागि २ सय ६० रनको मध्यम विजयी लक्ष्य पछ्याएको ओमान १७.१ ओभरमा ४२ रनमा अल आउट भयो । ओपनर कश्याप प्रजापति १८ र सुरज कुमार १० रनमा आउट भए । घरेलु टोली श्रीलंकाको बलिङ आक्रामण सामु ओमानका ९ खेलाडी दोहोरो अंकमा रन बनाउन सकेनन् । जतिन्द सिंह र सोएब खान शून्यमा आउट भए ।
कप्तान अकिब इलियास र आयन खान समान एक रनमा आउट भए । श्रीलंकाका चामिका करुणारत्नेले २ ओभरमा ३ मेडनसहित ३ रन खर्चेर ३ विकेट लिए । दुनिथ वेलालेगे, प्रमोद मदुशान र लाहिरु मराराकुनले समान दुई विकेट लिए ।
त्यसअघि आर प्रेमडासा स्टेडियम कोलोम्बोमा टस हारेर पहिला ब्याटिङको निम्तो पाएको श्रीलंकाले निर्धारित ५० ओभरमा ८ विकेट गुमाउँदै २ सय ५९ रन बनायो । श्रीलंका पसिन्दु सुरियाबन्दराले ७५ बलमा ५ चौकासहित ६० रनको योगदान दिए ।
ओमानका अकिब इलियासले १० ओभरमा ५८ रन खर्चेर ४ विकेट लिए । आयन खान र जय ओडेराले समान दुई विकेट लिए । श्रीलंका ३ खेलमा २ मा जित र १ मा हारसहित समूह ए मा शीर्ष स्थानमा रहँदै सेमिफाइनलमा पुग्यो । बंगलादेश ए ३ खेलमा २ मा जित र १ मा हारसहित ४ अंकका साथ दोस्रो स्थानमा रहँदै सेमिफाइनलमा स्थान बनायो ।
अफगानिस्तान ३ खेलमा २ मा जित र १ मा हारसहित ४ अंक भएपनि नेटरनरेटको कारण बाहिरिन पुग्यो । समूह बी बाट भने भारत र पाकिस्तान ए सेमिफाइनलमा पुगेका छन् ।
बुधबार यी दुई देशबीचको नतिजाले समूह विजेता र उपविजेता निर्धारण गर्नेछ । नेपाल भने भारत र पाकिस्तान ए सँग हारको कारण एक खेल अगावै बाहिरिएको छ । नेपालले अन्तिम खेल बुधबार युएई ए सँग खेल्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]