काठमाडौँ (हाम्री खेलकुद) – महबुब आलमले ब्याटिङ र बलिङ दुवैमा उत्कृष्ट प्रदर्शन गरेपछि हिमालयन व्हाइट हाउस कलेजले राजधानीमा जारि रुस्लन टि-२० प्रतियोगितामा १सय ७ रनको विशाल जित हात पारेको छ।

टस जितेर पहिलो बलिङ रोजेको पिसी फाइटर ११ले राम्रो सुरुवात लिएपनि अनुभवी खेलाडीको प्रदर्शनसामु घुँडा टेक्नु पर्यो।  १ रनको स्थितिमा दुवै ओपनर गुमाएको व्हाइट हाउसका लागि सुबेन्दु पाण्डे र महबुबले तेश्रो विकेटका लागि ८२ रनको साझेदारी गर्दै टोलीलाई उकासेका थिए।  सुबेन्दुले २८ बलमा आठ चौकाको मद्दतले ३८ रन बनाए भने महबुबके पाँचचौका र चार छक्का प्रहार गर्दै ५१ रन जोडे।  प्रनित थापा मगरले ३२ (१८) र अमर सिंह राउटेला २५(१९)ले अन्त्यतिर आक्रामक ब्याटिङ गर्दै योगफललाइ १सय ६९ रनसम्म पुर्याउन मद्दत गरे। फाइटरका लागि चन्द्र देव जोशीले सुरुवती २ संगै कुल तिन विकेट लिएका थिए।

१सय ७० रनको विशाल योगफल पछ्याएको पिसी फाइटरले १६ ओभरमा आफ्नो सबै विकेट गुमायो।  कप्तान एवं ओपनर नरेश चन्दले २२ रन बनाएर पारि सम्हाल्न खोजे पनि अरुको साथ् नपाउदा टोलि ६२रनमा अलाउट हुन पुग्यो। व्हाइट हाउसका लागि महबुब आलमले चार ओभरमा दुइ मेडन सहित जम्मा दुइ रन खर्चेर तिन विकेट लिए।  उनीनै खेलको म्यान अफ द म्याच भए।