काठमाडौं (हाम्रो खेलकुद) – विकेटकिपर अर्जुन साउदको अर्धशतकमा नेपालले पहिलो अभ्यास खेलमा श्रीलंकाको घरेलु प्रतियोगिता खेल्ने ब्लूमफिल्ड क्लबविरुद्ध मध्यम प्रदर्शन गरेको छ ।

टस जितेर पहिला ब्याटिङ रोजेको नेपालले २६ ओभरमा २ विकेट गुमाउँदै १ सय ११ रन बनाएको छ । नेपालका लागि अर्जुन साउद ७९ बलमा ५३ रनमा क्रिजमा छन् । उनलाई सन्दीप जोराले १९ बलमा २४ रन बानाउँदै साथ दिएका छन् ।

नेपाललाई ओपनर अर्जुन साउद र देव खनालले १०.५ ओभरमा ३८ रनको साझेदारी गर्दै मध्यम सुरुवात दिलाएका थिए । देव खनाल ३४ बलमा २२ रनमा आउट भए । दोस्रो विकेटका लागि अर्जुन साउद र गुलशन झाले ३७ रनको साझेदारी गरेका थिए । गुलशन २५ बलमा ९ रन बनाउँदै आउट भए ।

त्यसपछि सन्दीप जोरा र अर्जुन साउदले ३६ रनको साझेदारी गर्दै इनिङ अघि बढाएका छन् । नेपाल एसिया कपको तयारीको लागि श्रीलंकामा छ । श्रीलंकाको १५ दिनको तयारीमा नेपालले स्थानीय चार टोलीसँग अभ्यास खेल खेल्नेछ । यो पहिलो अभ्यास खेल हो ।

नेपालको प्लेइङ ११ :

अर्जुन साउद, देव खनाल, सन्दीप जोरा, कुशल मल्ल, गुलशन, सोमपाल कामी, पवन सरार्फ, करण केसी, प्रतिश जि.सी, किशोर महतो र सूर्य तामा ङ ।

ब्लुमफिल्डको प्लेइङ ११ :

अशान फ्रेनान्डो, सादुन विराकोडी, हर्षिथा बोयागोडा, मानेल्कार डि सिल्भा, चमान्ता मिलशारा, गजिथा कोटुवेगोडा, मलिन्डा परेरा, अदीशा, निमेश थारुणु, दिनेश मराविक्रमा र सेनुरा सिल्भा ।