काठमाडौं(हाम्रो खेलकुद) – काठमाडौं नाइट्सका फिजियोथेरापिस्ट सागर पाण्डेले नेपाल टि२० लिगबाट आफूले हालसम्म एक रुपैयाँ पनि नपाएको सामाजिक सञ्जालमार्फत गुनासो गरेका छन् । काठमाडौंका केहि खेलाडीले ५० प्रतिशत सम्म पारिश्रमिक पाएपनि आफूले हालसम्म एक रुपैयाँ पनि नपाएको गुनासो पोखेका छन् ।

‘म टिममा जोडिएको दोस्रो दिनमै टिमका व्यवस्थापक भागेका थिए । जसले गर्दा मैले सम्झौता गर्न पाएन । यस कुरा मैले काठमाडौं र क्यान दुबैलाई राखेको थिए । टिमका सबै कर्माचारी एक एक गरि भाग्दा अन्तिम सम्म मात्रै खेलाडीसँग थिए । र मैले भूमिका निर्वाह गरेको थिए’, उनले सामाजिक संजालमा लेखेका छन् ।

खेलाडीले पैसा नपाएसम्म नखेल्ने भरी खेल नै रोकेका थिए । काठमाडौं र विराटनगर नाइट्सबीचको खेल हुन नसकेपछि क्यानले लिखित सम्झौता गरेको थियो । ‘लिखित सम्झौतमा फिजियोको पनि पारिश्रमिक उपलब्ध गराउने लेखिएको थियो’, उनले लेखेका छन् ।

त्यसैमा उनले लेखेका छन्, ‘खेल सकिएपछि केहि खेलाडीले ५० प्रतिशत पारिश्रमिक पाएको अवस्था छ । मैले अहिले सम्म एक रुपैयाँ पाएको छैन । यति सम्मकी खेलको दौरानमा खेलाडीलाई उपचार गराएको बिलको भरपाइ समेत पाएन । क्यानसँग सम्झौता गर्दा छिटो दिने भने पनि मैले कति र कहिले दिने हो अहिले सम्म खोज गरिएको छैन’ ।

उनले पोखरा प्रिमियर लिगमा समेत काम गर्दा पुरस्कार नपाएको बताएका छन् । पिपिएल २०१८ र २०१९ मा गरि दुई संस्करण सम्पन्न भएको थियो ।

‘केहि वर्ष पहिला भएको पिपिएलमा पनि आंशिक पारिश्रमिक र सामानको पैसा पाएको थिएन । उक्त खेलका टिम म्यानेजर देखी मालिकसम्म गुहारे र थाके । कसैसँग पारिश्रमिक नपाएको गुनासो गर्दा यहाँ यस्तै नै हो भनेर जवाफ पाइरन्थे’, उनले सामाजिक सञ्जालमा दुःख पोखेका छन् ।

‘म एउटा श्रमिक हो र पारिश्रमिक पाउने मेरो अधिकार हो। यो अधिकार बाट मलाई बन्चित गराउनु भनेको न्याय र कानुनसंगत होईन। आशा छ यो पोस्ट हजुर सम्म पुग्ने छ र मेरो पारिश्रमिक मलाई मिल्ने छ’, भावुक हुँदै उनले लेखेका छन् ।

नेपाल टि२० लिग गत पुषमा सम्पन्न भएको थियो । फिक्सिङ, पारिश्रमिक, मालिकको पहिचानै नखुल्ने लगायत विभिन्न कारणले निकै विवादित बन्न पुगेको थियो । तर नेपाल टि२० लिगमा काठमाडौं नाइट्सले एलिमिनेटर खेलमा विराटनगर सुपर किंग्ससँग खेल्नु अघिल्लो दिननै प्लेइङ-११ पक्का थियो ।

किनभने विदेशी खेलाडी सबै फर्किएपछि टोलीमा बाँकी ११ नेपाली मात्रै थिए । त्यसैले पानी पनि दिने खेलाडी कोही नभएपछि फिजियो सागर ले नै उक्त सहयोग गरेका थिए ।

यो पानि : पानी दिने खेलाडी पनि टोलीमा नभएपछि…

जव विकेटकिपरले बलिङ गर्नु पर्यो…