default_image

11 months ago

August 1, 2023

करिअरको अन्तिम खेलमा ब्रोडको दुर्लभ कीर्तिमान

260 views

0 Bookmark

एजेन्सी – इंग्ल्यान्ड तथा विश्व क्रिकेटकै एक सर्वाधिक सफल तीव्र गतिका बलर स्टुअर्ट ब्रोडले आफ्नो टेस्ट करिअरको अन्तिम खेलमा दुर्लभ विश्व कीर्तिमान बनाउँदै अन्त्य गरेका छन् । द एसेज सिरिजको पाँचौं खेलमा उनले अष्ट्रेलियाविरुद्ध आफूले सामना गरेको अन्तिम बलमा छक्का र विकेट लिँदै उक्त कीर्तिमान बनाएका हुन् ।

बोर्डले एलेक्स केरीलाई विकेटकिपर जोनी बेयस्टोबाट क्याच गराउँदै इंग्ल्यान्डलाई अन्तिम विकेट दिलाएका थिए । त्यसअघि दोस्रो इनिङमा आफूले सामना गरेको अन्तिम बलमा मिचेल स्टार्कलाई छक्का प्रहार गरेका थिए ।

टेस्ट क्रिकेट इतिहासमा सन्न्यास खेलको अन्तिम बलमा छक्का र विकेट लिने उनी पहिलो खेलाडी बनेका छन् । इंग्ल्यान्डलाई ४९ रनको रोमान्चक जित दिलाउन अन्तिम दुई विकेट लिएका थिए ।

सन् २००७ मा श्रीलंकाविरुद्ध कोलोम्बोमा टेस्टमा डेब्यू गरेका उनले १ सय ६७ खेलमा ६ सय ४ विकेट लिनुको साथै ३ हजार ६ सय ६२ रन बनाएका छन् । उनी विश्व टेस्ट क्रिकेट इतिहासमै सर्वाधिक विकेट लिने पाँचौं बलर हुन् ।

तीव्र गतिका बलरमा उनी टेस्टमा विश्वकै दोस्रो सर्वाधिक विकेट लिने बलर हुन् । उनी अघि तीव्र गतिका बलरमा सर्वाधिक विकेट जेम्श एन्डरसनले ६ सय ९० विकेट लिएका छन् । श्रीलंकाका स्पिनर मथैया मुरलीधरन ८ सय, अष्ट्रेलिया स्वर्गिय शेन वार्न ७ सय ८ र भारतीय अनिल कुम्बले ६ सय १९ विकेट लिएका थिए ।

एन्डरसन र स्टुअर्ट ब्रोड इंग्ल्यान्डको एकदशक देखी पहिलो रोजाईको जोडीमा खेल्दै लगातार सानदार प्रदर्शन गरेका थिए । बोर्ड र एन्डरसनले १ सय ३८ खेलमा सँगै खेल्दा कुल १ हजार ३९ विकेट लिएका थिए ।

यो टेस्ट इतिहासमा कुनैपनि एक बलरको जोडीले लिएको सर्वाधिक धेरै विकेट हो । यी दुई जोडीपछि अष्टेलियाका शेन वार्न र ग्लेन म्याकग्राथले १ सय ४ खेलमा १ हजार १ विकेट लिएका थिए ।

स्टुअर्ट ब्रोडलाई २००७ को टि२० विश्वकपमा भारतीय ब्याटर युवराज सिंहले एकै ओभरमा लगातार ६ छक्का प्रहार गरेका थिए । तर उनले आफ्नो करिअर अन्त्य भने इतिहासमै सर्वाधिक टेस्ट विकेट लिने दोस्रो तीव्र गतिको बलरमा अन्त्य गरे ।

बोर्डले सन् २०१० मा पाकिस्तानविरुद्ध लड्समा नवौं नम्बरमा ब्याटिङ गर्दै पहिलो इनिङमा १ सय ६९ रनको सानदार शतकीय इनिङ खेलेका थिए । उनको यो कुनैपनि खेलको उनको उत्कृष्ट ब्याटिङ हो । २०१० मा इंग्ल्यान्डले टि२० विश्वकप जित्दा बोर्ड टोलीका सदस्य थिए । टि२० आईमा उनले ५६ खेलमा ६५ विकेट लिएका छन् ।

२०१४ पछि उनी टि२० टोलीमा थिएनन् । बोर्डले १ सय २१ ओडिआई खेलमा १ सय ७८ विकेट लिएका छन् । २०१६ पछि उनी ओडिआई टोलीमा थिएनन् ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.