12 months ago
August 1, 2023
एजेन्सी – भारतले अन्तिम तथा निर्णायक ओडिआई खेलमा घरेलु टोली वेस्टइन्डिजलाई ३ सय ५२ रनको विशाल लक्ष्य दिएको छ । ब्रायन लारा क्रिकेट स्टेडियममा टस हारेर पहिला ब्याटिङको निम्तो पाएको भारतले निर्धारित ५० ओभरमा ५ विकेट गुमाउँदै ३ सय ५१ रन बनायो ।
भारतका कप्तान हार्दिक पान्ड्या ५२ बलमा ४ चौका र ५ छक्कासहित ७० रनमा नटआउट रहे । ओपनर शुभमन गिलले ९२ बलमा ११ चौकासहित सर्वाधिक ८५ रन बनाए ।
अर्का ओपनर ईशान किशन ६४ बलमा ८ चौका र ३ छक्कासहित ७७ रनमा आउट भए । भारतलाई ओपनर किशन र गिलले पहिलो विकेटका लागि १९.४ ओभरमा १ सय ४३ रनको शतकीय साझेदारी गर्दै उत्कृष्ट सुरुवात दिलाएका थिए ।
स्पिनर यानिक कारियाहको बलमा अघि बढेर सट खेल्ने धुनमा मिस हुँदा किशन विकेटकिपर शाई होपबाट स्टम्पिङ आउट भए । तीव्र गतिका बलर अल्जारी जोशेफको बलमा स्लिपमा ब्रेन्डन किंगबाट क्याच आउट भए ।
सन्जु स्यामसनले ४१ बलमा २ चौका र ४ छक्कासहित ५१ रनको आक्रामक इनिङ खेल्दै विशाल योगफलको आधार तय गरेको थियो । सूर्यकुमार यादव ३० बलमा २ चौका र २ छक्कासहित ३५ रनमा आउट भए । रविन्द्र जडेजा ७ बलमा ८ रनमा नट आउट रहे ।
वेस्टइन्डिजका रोमारियो शेफर्डले १० ओभरमा ७३ रन खर्चेर सर्वाधिक २ विकेट लिए । अल्जारी जोशेफ, गुडाकेश मोती र यानिक कारियाहले समान एक विकेट लिए । तीन खेलको ओडिआई सिरिज १-१ को बराबरी अवस्थामा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]