2 years ago
August 3, 2023
एजेन्सी – श्रीलंकाका महान् बलर चामिन्डा भासले पाकिस्तानका कप्तान बाबर आजम वर्तमान समयका नम्बर वान ब्याटर भएको बताएका छन् । बाबरले श्रीलंकामा जारी लंका प्रिमियर लिग कोलोम्बो स्ट्राइकर्सबाट खेलेका छन् । कोलोम्बो स्ट्राइकर्सका बलिङ प्रशिक्षकले भारतीय हिन्दुस्थान टाइम्ससँग कुराकानी गर्दै वर्तमान समयमा बाबर नम्बर वान् ब्याटर भएको बताएका हुन् ।
‘बाबर यस लिग एक ब्याटरको रुपमा मात्रै खेल्न चाहन्थे । उनको निर्णयलाई हामीले सम्मान गर्नुपर्छ । त्यसैले निरोशन डिक्वेला हाम्रो कप्तान हुन् । हामी सबैलाई थाहाछ । बाबर आजम विश्वका वर्तमान समयका नम्वर वान ब्याटर हुन्’, भासले भनेका छन् । त्यसैमा थपे ‘उनले जसरी प्रदर्शन गर्छन् र टिमलाई योगदान दिन्छन् । त्यो साँच्चै अद्भुत छ ।’
भास उनीबाट युवा खेलाडीले सिक्नुपर्ने बताउँछन् । ‘सबै युवा खेलाडीले उनीबाट धेरै सिक्न सक्छन् । म उनलाई एलपिएलमा देखेर निकै उत्साहित छु । उनी बाहेक नसिम शाह पनि छन् । उनी विश्वका एक शीर्ष बलर हुन् । नसिम शाह र मथिसा पाथिरानासँग काम गर्नु राम्रो हो’, भासले भनेका छन् ।
वावर बर्तमान समयमा विश्व क्रिकेटमा लगातार उत्कृष्ट प्रदर्शन गर्दै आएका छन् । उनको प्रदर्शन र कप्तानीमा पाकिस्तानले पछिल्लो समय अन्तर्राष्ट्रिय क्रिकेटमा लगातार राम्रो प्रदर्शन गर्दै आएको छ । बाबरले टेस्ट, ओडिआई र टि२० आई तीनै शैलीमा लगातार राम्रो प्रदर्शन गर्दै आएका छन् । वावर आइसिसीको बरियतामा टि२० आईमा तेस्रो, टेस्टमा चौथो र ओडिआईमा नम्बर वान् स्थानमा छन् ।
पाकिस्तानको सिनियर टोली हाल ब्यस्त छैन । त्यसैले पाकिस्तानका प्रमुख खेलाडीले वर्तमान समयमा लंका प्रिमियर लिग, द हन्ड्रेड र ग्लोबल टि२० क्यानडा लगायतका लिगहरु खेलेका छन् ।
पाकिस्तानले एसिया कप अघि अफगानिस्तानसँग श्रीलंकामा तीन ओडिआई खेलको सिरिज खेल्नेछ । पहिलो खेल २२ अगष्ट दोस्रो २४ र तेस्रो २६ अगष्टमा हुनेछ । त्यसपछि पाकिस्तानले ३० अगष्टमा घरेलु मैदान मुल्तानमा नेपालसँग एसिया कपमा उद्धघाटन खेल खेल्नेछ । भारतसँग सेप्टेम्बर २ मा श्रीलंकामा आएर खेल्नेछ ।
यो पनि पढ्नुहोस् : विश्व क्रिकेटका वादशाह बाबर
May 23, 2025
सुमन अधिकारी, बुटवल न्यु होराइजन माविले प्रथम मेयर कप विद्यालयस्तरिय क्रिकेट प्रतियोगिता–२०८२ को उपाधि जितेको छ । बुटवल उपमहानगरपालिका खेलकुद विकास समितिको आयोजनामा गत साता सुरु भएको प्रतियागिताको फाइनलमा कान्ति माविलाई पराजित गर्दै न्यु होराइजन च्याम्पियन बनेको हो। बुटवल उपमहानगरपालिका वडा नं. १६ मा रहेको नरैनापुर क्रिकेट मैदानमा भएको फाइनलमा न्यु होराइजनले कान्तिलाई ७ विकेटले […]
May 23, 2025
एजेन्सी – इण्डियन प्रिमियर लिग (आइपिएल) मा लखनउ सुपर जाइन्ट्सले शीर्षस्थानको गुजरात टाइटन्सलाई ३३ रनले हराएको छ। जितको लागि २ सय ३६ रनको चुनौती पछाएको गुजरात २० ओभरमा ९ विकेट गुमाउँदै २ सय २ रनमा समेटियो। ओपनर साइ सुदर्शन २१ रनमा, कप्तान शुभमन गील ३५ रनमा जोश बटलर ३३ रनमा आउट भए। ३ विकेट गुमाउँदा […]
May 22, 2025
एजेन्सी – इण्डियन प्रिमियर लिग (आइपिएल) मा आज लिगको शीर्षस्थानमा रहेको गुजरात टाइटन्स र लखनउ सुपर जाइन्ट्सबीच प्रतिस्पर्धा हुँदैछ। खेल नेपाली समयअनुसार साँझ ७:४५ बजे सुरु हुनेछ।यी दुई टोली फरक लक्ष्यसहित मैदान उत्रनेछन्। गुजरात जितका साथ शीर्ष दुईमा रहने संभावनालाई मजबुत बनाउन चाहन्छ। लखनउलाई गुमाउनु बाँकी केही छैन। लिग चरणबाट बाहिरिसकेको कारण युवा खेलाडीलाई बलिङ […]
