काठमाडौं (हाम्रो खेलकुद)– नेपाल आर्मी सहज जितका साथ रुस्लान कप टि ट्वान्टी क्रिकेट प्रतियोगिताको सेमिफाइनल पुगेको छ ।
कीर्तिपुरस्थित त्रिवि मैदानमा शुक्रबार रोयल पिसी फाइटरलाई १० विकेटले हराउँदै आर्मी अन्तिम चारमा पुगेको हो । ४६ रनको झिनो लक्ष्य पछ्याएको आर्मीले ४ ओभरमा विना विकेटको क्षेति जित हासिल गरेको थियो । आर्मीका ओपनर सागर पुन ३६ र सोमपाल कामीले ३ रन अविजित रहँदा आर्मीले जित निकालेको थियो । २१ बल खेलेका सागरले ७ चौका प्रहार गरे ।
त्यसअघि टस जितेर ब्याटिङ रोजेको पिसी फाइटरले १७ ओभरमा सबै विकेट गुमाउदै ४५ रन मात्र बनाउन सक्यो । अभिनाष कर्णले ४ र सोमपालले ३ विकेट लिएका थिए । रोयल पिसीका विजय सुनाले ११ रन बनाए भने अन्य कुनै पनि ब्याट्सम्यानले दोहोरो अंकमा रन बनाउन सकेनन् । अभिनाष म्यान अफ दी म्याच चुनिए ।
शुक्रबार पहिलो क्वार्टरफाइनलमा हिमालयन ह्वाइट हाउसलाई हराउदै नेपाल पुलिस क्लब सेमिफाइनल पुगेको थियो ।
रुस्लान कपमा शनिबारको क्वार्टरफाइनल एसपिए (धनगढी)विरुद्ध एइएफ (वीरगन्ज), बिहान ९ः१५ न्यू होराइजन क्रिकेट क्लबविरुद्ध कुलेश्वर क्रिकेट क्लब,दिउँसो १ः१५
