काठमाडौं (हाम्रो खेलकुद) – हिमालयन ह्वाइट हाउसलाई ८ विकेटले हराउँदै नेपाल पुलिस क्लब कीर्तिपुरस्थित त्रिवि मैदानमा दोस्रो रुस्लान क्रिकेट कप टि ट्वान्टी क्रिकेट प्रतियोगिताको सेमिफाइनलमा प्रवेश गरेको छ ।

९९ रनको लक्ष्य पछ्याएको पुलिसले १३ ओभरमा २ विकेट गुमाएर जित हासिल गरेको थियो । पुलिसका लागि अर्धशतक पुरा गरेका सुनिल धमला खेलेको म्यान अफ दी म्याच बनेको थिए । ४२ बल खेलेका सुनिलले ४ छक्का र ४ चौकाको मद्दतमा ६० रन बनाएका थिए । आरिफ शेखले २१ बलमा २७ रन जोडे ।

त्यसअघि टस हारेर ब्याटिङको निमन्त्रणा पाएको हिमालयन ह्वाइट हासिले निर्धारित २० ओभरमा ८ विकेट गुमाउदै ९८ बनाएको थियो । कप्तान हसिम अन्सारीले ३३ र प्रतिन थापा मगरले २३ रन बनाएका थिए । पुलिसका दीपेन्द्र सिंह ऐरी र ललित भण्डारीले समान २ विकेट लिएका थिए ।

शुक्रबारकै अर्को क्वार्टरफाइनलमा नेपाल आर्मीले रोयल पिसी फाइटरलाई १० विकेटले हराएर अन्तिम चारमा स्थान सुरक्षित गरेको थियो । प्रतियोगितामा सहभागित तीन विभागिय टोलीमध्ये एपिएफ भने प्रतियोगिताबाट बाहिरिसकेको छ ।

रुस्लान कपमा शनिबारको क्वार्टरफाइनल
एसपिए (धनगढी)विरुद्ध एइएफ (वीरगन्ज), बिहान ९ः१५
न्यू होराइजन क्रिकेट क्लबविरुद्ध कुलेश्वर क्रिकेट क्लब,दिउँसो १ः१५