default_image

10 months ago

August 6, 2023

नेपाली महिला क्रिकेटमा पहिलो पटक विदेशी प्रशिक्षक!

956 views

0 Bookmark

काठमाडौं (हाम्रो खेलकुद) – भारतीय पूर्व क्रिकेटर देवीका पाल्शिकर नेपाली महिला क्रिकेट टोलीमा प्रशिक्षकको रुपमा काम गर्ने पहिलो विदेशी प्रशिक्षक बनेकी छिन् । नेपाल क्रिकेट संघ (क्यान) ले आगमी महिना मलेसियामा हुने आइसिसी वुमन्स टि२० विश्वकप एसिया क्षेत्र छनोटको लागि देवीकालाई ब्याटिङ प्रशिक्षकको रुपमा लिएको हो ।

देवीका शनिबार नेपाल आइपुगेकी थिइन् । आइतबार उनले टियु मैदानमा पुगेर खेलाडीलाई प्रशिक्षण दिएकी थिइन् । क्यानले एसिया क्षेत्र छनोटको लागि २४ सदस्य टोली प्रशिक्षणमा बोलाएको छ । उनले बिहान इन्डोरमा खेलाडीलाई प्रशिक्षण दिएकी थिइन् ।

उनले भारतबाट १ टेस्ट र १५ ओडिआई खेल खेलेकी छिन् । भारतीय क्रिकेट बोर्ड (बिसिसीआई) यस पटक देखी आयोजना गरेको वुमन्स प्रिमियर लिग (डब्लूपिएल) मा उनी मुम्बई इन्डियन्सको ब्याटिङ प्रशिक्षकको भूमिकामा काम गरेकी थिइन् । उनको ब्याटिङ प्रशिक्षकमा मुम्बईले डब्लूपिएलको उपाधि जितेको थियो ।

भारतीय नेशनल क्रिकेट एकेडेमी (एनसिए) मा पनि उनले काम गरेको अनुभव छ । नेपाली महिला क्रिकेट इतिहासमा यसअघि कुनैपनि भूमिकामा विदेशी प्रशिक्षक आएका थिएनन् । स्वदेशी प्रशिक्षकबाट नै काम चलाउँदै आएको थियो । नेपालले सन् २००७ देखी अन्तर्राष्ट्रिय क्रिकेट प्रतियोगिता खेल्न थालेपनि हालसम्म कुनैपनि अन्तर्राष्ट्रिय उपाधि जितेको छैन ।

पछिल्लो समय महिला टोलीको प्रशिक्षकको रुपमा विनोद दास, जगत टमाटा र स्यामसन जंग थापाले काम गरेका थिए । स्यामसन जंग थापा वर्तमान समयमा महिला टोलीको मुख्य प्रशिक्षक हुन् । राष्ट्रिय खेलकुद परिषद् (राखेप) को मुख्य प्रशिक्षक समेत रहेका स्यामसनको प्रशिक्षणमा नेपालले पछिल्लो समय प्रशिक्षण गर्दै आएको छ ।

दुई महिना अघि थाईल्यान्डले भिसाको कारण नाम फिर्ता लिएपछि हङकङमा गएर नेपालले एसिसी वुमन्स टि२० इमर्जिङ टिम्स एसिया कप खेलेको थियो । त्यसअघि नेपालले मलेसियासँगको पाँच महिला टि२० आई खेलको सिरिज ३-२ ले जितेको थियो । महिला टोलीले ब्याटिङमा खराब प्रदर्शन गर्दैछ । त्यसैले विश्वकप छनोट अघि भारतीय देवीकालाई ल्याउने निर्णय गरेको हो ।

आइसिसी वुमन्स विश्वकप टि२० एसिया क्षेत्र छनोट मलेसियामा अगष्ट ३१ देखी ९ सेप्टेम्बर सम्म हुनेछ । प्रतियोगिताको समूह ए मा आयोजक मलेसियासँगै नेपाल, बहराइन, भुटान, कतार र युएई छन् । समूह बी मा चीन, हङकङ, कुवेत, थाईल्यान्ड र म्यानमार छन् । प्रतियोगिता हरेक समूह शीर्ष दुई टोली सेमिफाइनलमा पुग्नेछन् । फाइनलमा पुग्ने दुई टोलीले २०२४ मा हुने ग्लोबल क्वालिफायर खेल्न पाउनेछन् ।

ग्लोबल महिला टि२० विश्वकपमा आयोजक श्रीलंका र आयल्यान्डसँगै पाँच क्षेत्रिय छनोटबाट आउने आठ टोली गरि कुल १० टोलीले प्रतिस्पर्धा गर्नेछन् । शीर्ष दुई टोलीले बंगलादेशमा हुने विश्वकप खेल्न पाउनेछन् ।

देवीकासँग हाम्रो खेलकुदको विशेष कुराकानी हेर्नुहोस् :

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.