default_image

11 months ago

August 8, 2023

सूर्यको सानदार ब्याटिङमा भारत विजयी

7032 views

0 Bookmark

एजेन्सी – शीर्षक्रमका ब्याटर सूर्यकुमार यादवको सानदार ब्याटिङमा भारतले तेस्रो टि२० आई खेलमा घरेलु टोली वेस्टइन्डिजलाई ७ विकेटले हराएको छ । पाँच खेलको सिरिजमा भने वेस्टइन्डिज २–१ ले अघि छ ।

जितको लागि १ सय ६० रनको विजयी लक्ष्य भारतले १७.५ ओभरमा ३ विकेट गुमाउँदै पूरा गर्यो । भारतको जितमा सूर्यकुमार यादवले ४४ बलमा १० चौका र ४ छक्कासहित ८३ रनको योगदान दिए । डेब्यू खेल खेलेका ओपनर यशस्वी जैसवाल १ र शुभमन गिल ६ रनमै आउट भएका थिए ।

चौथो विकेटका लागि सूर्य र तिलक बर्माले ८७ रनको साझेदारी गर्दै सहज जितको आधार तय गरेका थिए । तिलक बर्मा ३७ बलमा ४ चौका र १ छक्कासहित ४९ रनमा नट आउट रहे । हार्दिक पान्ड्या १५ बलमा १ चौका र १ छक्कासहित २० रनमा नटआउट रहे ।

वेस्टइन्डिजका अल्जारी जोशेफले ४ ओभरमा २५ रन खर्चेर २ विकेट लिए । ओबेद म्याककोयले २ ओभरमा ३२ रन खर्चेर १ विकेट लिए ।

त्यसअघि गयानामा टस जितेर पहिला ब्याटिङ रोजेको वेस्टइन्डिजले निर्धारित २० ओभरमा ५ विकेट गुमाउँदै १ सय ५९ रन बनाएको थियो । तर उक्त योगफल जितको लागि पर्याप्त हुन सकेन ।

वेस्टइन्डिजका कप्तान रोभम्यान पावेल १९ बलमा १ चौका र ३ छक्कासहित सर्वाधिक ४० रनमा नटआउट रहेका थिए । ओपनर ब्रेन्डन किंग ४२ बलमा ५ चौका र १ छक्कासहित ४२ रन बनाए । वेस्टइन्डिजले बलियो सुरुवातका बाबजुद विशाल योगफलमा पुग्न सकेको थिएन ।

वेस्टइन्डिजलाई ओपनर कायल मेयर्स र ब्रेन्डन किंगले पहिलो विकेटका लागि ७.४ ओभरमा ५५ रनको साझेदारी गर्दै राम्रो सुरुवात दिलाएका थिए । स्पिनर अक्षर पटेलको बलमा मेयर्स ठूलो सटको धुनमा अर्शदीप सिंहबाट २५ रनमा क्याच आउट भएका थिए । मेयर्सले २० बलमा ३ चौका र १ छक्का प्रहार गरे ।

जोनसन चाल्र्सलाई कुलदीप यादवले १२ रनमा एलबीडब्लू आउट गरे । उच्च लयमा रहेका निकोलस पुरन स्पिनर कुलदीप यादवको १५ औं ओभरको पहिलो बलमा २० रनमा स्टम्पिङ आउट भए ।

पुरन १२ बलमा २ चौका र १ छक्का प्रहार गर्दै सन्जु स्यामसनबाट स्टम्पिङ आउट भएका थिए । त्यसै ओभरको पाँचौं बलमा ब्रेन्डन किंग ४२ रनमा कट एण्ड बोल्ड आउट भएका थिए । किंग र पुरन दुबै एकै ओभरमा आउट भएपछि वेस्टइन्डिजले रनको गति बढाउन सकेको थिएन । शिम्रन हेटमायर ८ बलमा १ चौकासहित ९ रनमा आउट भए ।

भारतको जितमा स्पिनर कुलदीप यादवले ४ ओभरमा २८ रन खर्चेर ३ विकेट लिए । अक्षर पटेल र मुकेश कुमारले समान एक विकेट लिए । पहिलो खेलमा वेस्टइन्डिज ४ रन र दोस्रो खेलमा दुई विकेटले विजयी भएको थियो । चौथो खेल शनिबार र पाँचौं खेल आइतबार हुनेछ ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.