12 months ago
August 16, 2023
एजेन्सी – इंग्ल्यान्डका बाउन्सर किंग जोफ्रा आर्चरले आगमी अक्टोबर नोभेम्बरमा भारतमा हुने एकदिवसीय विश्वकप गुमाउने भएका छन् । इंग्ल्यान्डका छनोटकर्ता ल्यूक राइटले जोफ्रा आर्चर २०२३ को विश्वकप छनोटको लागि उपलब्ध नभएको जनाएका छन् ।
आर्चर भारतमा वैकल्पिक खेलाडीको रुपमा रहने राइटले बताएका छन् । इंग्ल्यान्डलाई २०१९ को एकदिवसीय विश्वकप उपाधि जिताउन जोफ्रा आर्चरले सानदार प्रदर्शन गरेका थिए । आर्चर लामो समयपछि गत जुनमा मात्रै टोलीमा फर्किएका थिए ।
दायाँ हातको कुइनोमा चोट लागेपछि डेढ वर्ष मैदान बाहिर रहनु परेको थियो । गत वर्ष आइपिएल मेगा अक्सनमा मुम्बईले आर्चरलाई ८ करोड भारुमा किनेको थियो । उनी त्यो सिजन खेलेका थिएनन् ।
यस सिजनको आइपिएलमा पाँच खेल खेलेर घर फर्किएका थिए । त्यसअघि उनले गत मार्चमा बंगलादेशविरुद्ध ओडिआई र टि२० आई खेलको सिरिज समेत खेलेका थिए ।
सन् २०१९ मा इंग्ल्यान्डलाई एकदिवसिय विश्वकप जिताउन आर्चरको प्रदर्शन सानदार थियो । न्युजिल्यान्डलाई सुपर ओभरमा बराबरीमा रोक्दै बाउन्ड्री काउन्टको आधारमा विश्वकप जिताउन आर्चर नायक बनेका थिए ।
विश्वकप प्रतियोगिताभर उत्कृष्ट बलिङका साथ ११ खेलमा २० विकेट लिएका थिए । आर्चर नहुने भएपछि इंग्ल्यान्डले ओडिआईमा गस एटकिन्सनलाई टोलीमा पहिलो पटक बोलाएको छ ।
उनले घरेलु क्रिकेटमा लगातार उत्कृष्ट प्रदर्शन गर्दै आएका छन् । मार्क वुड, रिस टोप्ली, क्रिस वोक्स, डेविड विल्ली, साम करन र गस एटकिन्सन तीव्र गतिका बलरको रुपमा छन् ।
इंग्ल्यान्डले आगमी महिना न्युजिल्यान्डसँग हुने चार ओडिआई खेलको लागि ओडिआई टोली घोषणा गरेको छ । जसमा गत जुलाईमा ओडिआईबाट सन्न्यास लिएका बेन स्टोक्स टोलीमा फर्किएका छन् । कप्तान जस बटलर र प्रशिक्षक म्याथ्यु मटको आग्रहमा उनी विश्वकप खेल्न टोलीमा फर्किएका हुन् ।
यो पनि : स्टोक्स इंग्ल्यान्डको ओडिआई टोलीमा
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]