default_image

11 months ago

August 30, 2023

पाकिस्तानविरुद्ध नेपाल : प्लेयर्स टु वाच

3399 views

0 Bookmark

काठमाडौ (हाम्रो खेलकुद) – नेपालले एसिया कपको उद्धघाटन खेलमा आज पाकिस्तानसँग खेल्दैछ । घरेलु टोली पाकिस्तान र नेपालबीचको खेल दिउँसो ३ : १५ मा मुल्तान क्रिकेट रंगाशालामा हुनेछ । नेपालको कप्तानी रोहित पौडेल र पाकिस्तानको बाबर आजमले गर्नेछन् ।

नेपाल एसिया कपमा डेब्यू गर्ने हुँदा निकै उत्साहित छ । पाकिस्तान घरेलु मैदानमा जितका साथ विजयी सुरुवात गर्न चाहन्छ । नेपालले पहिलो पटक पाकिस्तानसँग खेल्दैछ । विश्व ओडिआई वरियता शीर्षस्थानमा रहेको पाकिस्तानविरुद्ध नेपालको लक्ष्य उत्कृष्ट क्रिकेट खेल्ने हुन्छ ।

क्रिकेटमा प्रमुख खेलाडीको प्रदर्शन सधैं महत्वपूर्ण हुन्छ । प्रमुख टोलीको उच्च प्रदर्शनमा टोलीले सहज जित हात पार्न सक्छन् । प्रमुख खेलाडीको प्रदर्शन कमजोर हुँदा अन्य खेलाडीको मनोबलमा समेत असर पर्नसक्छ । नेपाल र पाकिस्तानबीचको ऐतिहासिक खेलमा उत्कृष्ट प्रदर्शन गर्न सक्ने दुबै टोलीका प्रमुख तीन खेलाडी र उनीहरुको बारे जानकारी यस प्रकार छ ।

रोहित पौडेल (कप्तान)

रोहित पौडेल नेपालका प्रमुख ब्याटर हुन् । नेपालबाट ओडिआईमा सर्वाधिक ५२ खेलमा १ शतक र ८ अर्धशतकसहित कुल १४ सय ६९ रन बनाएका छन् । २०२२ मा रोहितले पपुवा न्युगिनीविरुद्ध १ सय २६ रनको शतकीय इनिङ खेलेका थिए ।

कुनैपनि नेपाली ब्याटरले अन्तर्राष्ट्रिय क्रिकेटमा गरेको उच्च प्रदर्शन हो । रोहित नेपालका भरपर्दा ब्याटर हुन् । चौथो नम्बरमा ब्याटिङ गर्ने उनी दबाबमा पनि राम्रो ब्याटिङको क्षमता राख्छन् । पाकिस्तानविरुद्ध नेपालको लागि उनको प्रदर्शन निकै महत्वपूर्ण हुनेछ ।

बाबर आजम (कप्तान)

पाकिस्तानका कप्तान बाबर आजम वर्तमान समयका विश्व क्रिकेटका उत्कृष्ट ब्याटर हुन् । ओडिआई विश्व वरियताका शीर्षस्थानका ब्याटर बाबर पाकिस्तानका ब्याटिङका खम्बा हुन् ।

तेस्रो नम्बरमा ब्याटिङ गर्ने बाबर कभर ड्राइभका लागि चर्चित ब्याटर हुन् । विश्वस्तरिय बलरविरुद्ध विश्व क्रिकेटमा लगातार सानदार प्रदर्शन गर्दै आएका बाबर नेपालविरुद्ध हाबी हुनसक्छन् ।

उनको विकेट लिन कुनैपनि नेपाली बलरलाई सहज हुनेछैन । २८ वर्षीय बाबरले १ सय ३ ओडिआई खेलमा १८ शतक र २८ अर्धशतकसहित कुल ५ हजार २ सय २ रन बनाएका छन् ।

सन्दीप लामिछाने (बलर)

सन्दीप लामिछाने नेपालका प्रमुख बलर हुन् । लेगस्पिनर सन्दीप लामिछानेले इन्डियन प्रिमियर लिग (आइपिएल) देखी विश्वका सबै चर्चित विदेशी लिग खेलेका छन् । विदेशी लिगमा सन्दीपले पाकिस्तानका सबै खेलाडीसँग खेलेको अनुभव छ ।

ओडिआई क्रिकेटमा सर्वाधिक छिटो ४२ खेलमा एक सय विकेट लिने विश्व कीर्तिमान बनाएका सन्दीपबाट नेपालले ठूलो अपेक्षा गर्नेछ । जादुमयी नतिजा हात पार्न सन्दीपले उत्कृष्ट क्रिकेट खेल्नुपर्ने हुन्छ ।

विश्वस्तरिय खेलाडीविरुद्ध खेलेको अनुभव हुँदा सन्दीप खेलमा हाबी हुनसक्छन् । सन्दीपले ४९ ओडिआई खेलमा १ सय ११ विकेट लिएका छन् । सन्दीपले दुई पटक ओडिआईमा ६–६ विकेट लिएका छन् ।

शादब खान (अलराउन्डर)

उपकप्तान शादब खान पाकिस्तानका प्रमुख अलराउन्डर हुन् । स्पिन बलिङ गर्ने शादब तल्लोक्रममा ब्याटिङ गर्ने गर्दछन् । शादब भरपर्दा खेलाडी हुन् । उनको अलराउन्ड प्रदर्शनमा पाकिस्तानले सहज जित हात पार्न सक्छ ।

२४ वर्षीय शादबले ५९ ओडिआई खेलमा ७ सय २१ रन बनाउनुको साथै ७७ विकेट लिएका छन् । शादब पाकिस्तानका उत्कृष्ट फिल्डर समेत हुन् । उनले फिल्डिङ मार्फत पनि खेललाई मोड्न सक्ने क्षमता राख्छन् ।

दीपेन्द्रसिंह ऐरी (अलराउन्डर)

नेपालका ३ड्रि क्रिकेटर दीपेन्द्रसिंह ऐरी खेलमा प्रभाव जमाउन सक्ने खेलाडी हुन् । दीपेन्द्र ब्याटिङ, फिल्डिङ र बलिङ कुनैपनि क्षेत्रबाट टोलीलाई योगदान दिनसक्छन् । दीपेन्द्रले नेपाली टोलीमा फिनिसरको जिम्मेवारी पाएका छन् । विश्वकप छनोटमा युएईलाई हराउन दीपेन्द्रले उत्कृष्ट प्रदर्शन गरेका थिए ।

अफ स्पिनर दीपेन्द्रले बलिङमा पनि त्यतिनै राम्रो योगदान दिदै आएका छन् । हालै दीपेन्द्रले क्यानडा प्रिमियर लिगमा विश्वस्तरिय खेलाडीसँग खेल्दै मोन्टीरिय टाइगर्सलाई जिताउन उत्कृष्ट प्रदर्शन गरेका थिए । क्यानडा लिग खेलेर फर्किएको हुँदा मनोबल झनै उच्च छ । दीपेन्द्रले पनि खेलमा प्रभाव जमाउन सक्छन् ।

शाहिन शाह अफ्रिदी (बलर)

बायाँ हाते तीव्र गतिका बलर शाहिन शाह अफ्रिदी वर्तमान विश्व क्रिकेटका उत्कृष्ट बलर हुन् । उनको बलमा गती, स्वींग र बाउन्स छ ।

प्रतिघण्टा १ सय ५० किलोमिटरको गतिमा बलिङ गर्ने उनको गती खेल्न नेपाली ब्याटरलाई कठिन पर्नसक्छ । विश्वस्तरिय ब्याटरलाई लगातार निराश बनाउँदै आएका छन् । पछिल्लो पाँच वर्षयता पाकिस्तानको टोलीमा उनले सानदार प्रदर्शन गर्दै आएका छन् ।

३९ ओडिआई खेलमा उनले ७६ विकेट लिएका छन् । नयाँ बलका साथ उनको गती र स्वींग खेल्न नेपाली ब्याटरलाई कठिन हुनसक्ने अनुमान गरिएको छ ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.