1 year ago
August 30, 2023
एजेन्सी – अन्तर्राष्ट्रिय क्रिकेट परिषद् (आइसिसी) को ओडिआई नम्बर वान वरियामा रहेको पाकिस्तानले एसिया कपको उद्धघाटन खेलमा नेपालविरुद्ध जोखिम नलिने भएको छ । नेपाल र पाकिस्तानबीचको खेल आज दिउँसो ३ : १५ मा मुल्तान क्रिकेट रंगाशालामा सुरु हुँदैछ ।
क्रिकेटमा प्लेइङ–११ टसपछि मात्रै सार्वजनिक गरिन्छ । तर पाकिस्तानले विश्व क्रिकेटमा नयाँ उदाहरण प्रस्तुत गर्दै आएको छ । खेलको अघिल्लो दिन नै पाकिस्तानले नेपालसँग खेल्ने आफ्नो प्लेइङ-११ सार्वजनिक गरेको छ । त्यसको खुख्य कारण खेलाडीलाई मानसिक दुविधा नहोस् भनेर रहेको छ । खेलाडीलाई शतप्रतिशत विश्वास दिलाउन पाकिस्तानले एक दिन अघि नै आफ्नो प्लेइङ ११ घोषणा गरि सकेको छ ।
पाकिस्तानले नेपालसँगको खेलमा आफ्ना सबै प्रमुख खेलाडीलाई मैदान उतार्ने निर्णय लिएको छ । पहिलो रोजाईका कुनैपनि टोलीलाई बेन्चमा राखेको छैन । पाकिस्तानले नेपाल तुलनात्मक रुपमा कमजोर टोली हुँदा बेन्चका खेलाडीलाई मौका दिनसक्थ्यो । तर त्यो जोखिम लिन चाहेन ।
पाकिस्तानले आफ्नो पहिलो रोजाईका तीव्र गतिका बलर शाहिन शाह अफ्रिदी, हरिस रौफ र नसिम शाहलाई नेपालविरुद्ध खेलाडीको थियो । पाकिस्तानको बेन्चमा तीव्र गतिका बलरमा मोहम्मद वासिम जुनियर र फहिम अशरफ छन् । जुनियरले अघिल्लो महिना एसिसी इमर्जिङ टिम्स एसिया कपमा नेपालविरुद्ध चार विकेट लिएका थिए ।
पाकिस्तानको लागि पाँचौं नम्बरमा खेल्ने ब्याटर निकै चिन्ताको विषय बन्दै आएको छ । उक्त कमजोरी सुधार गर्न लगातार सिरिजमा नयाँ खेलाडी प्रयोग गर्दै आएको छ । तर नेपालविरुद्ध सलमान अली अघालाई नै खेलाउने भएको छ । उक्त स्थानमा मोहम्मद हरिस, साउद सकिल र अब्दुल्लाह शफिकलाई मौका दिनसक्थ्यो ।
पाकिस्तानले अफगानिस्तानसँगको तीन ओडिआई खेलको सुरुवाती दुईमा सिरिजमा स्पिनर उस्मा मिरलाई मौका दिएको थियो । तर पाकिस्तानले नेपालविरुद्ध आफ्नो पहिलो रोजाईको स्पिन आक्रामण शादब खान र मोहम्मद नवाजलाई नै खेलाउने भएको छ । कुनैपनि खेलाडीमा जोखिम लिएको छैन ।
‘पाकिस्तानका कप्तान बाबर आजमले नेपाल कमजोर टोली नभएको बताई सकेका छन् । ‘हेर्नुस् क्रिकेटमा कुनैपनि टोलीलाई सहज रुपमा लिन सकिदैन । एउटा खेलाडीको हिसाबमा मैले सिकेको छु की क्रिकेटमा जो सुकै विपक्षी भएपनि सहज लिन हुँदैन । बाँकी टोलीलाई जसरीनै हामीले नेपालविरुद्ध योजना बनाएर अघि बढ्छौं । नेपालको टोली देखेका छौं । नेपालको कमजोरी र बलियो पक्षमा कुराकानी गरेका छौं । नेपाललाई सहज रुपमा लिदैनौं’, बाबरले खेलअघि भनेका छन् ।
पाकिस्तानको नेपालसँग खेल्ने प्लेइङ ११ :
फखार जमान, इमाम उल हक, बाबर आजम (कप्तान), मोहम्मद रिजवान (विकेटकिपर), अघा अली सलमान, इफ्तिखर अहमद, सादब खान, मोहम्मद नवाज, शाहिन शाह अफ्रिदी, नसिम शाह र हरिस रौफ ।
February 10, 2025
एजेन्सी – दक्षिण अफ्रिकाका २६ वर्षीय ब्याटर म्याथ्यु ब्रिट्ज्की ओडीआई डेब्यूमै सर्वाधिक रन बनाउने खेलाडी बनेका छन् । उनले पाकिस्तानमा जारी त्रिकोणात्मक ओडीआई सिरिजमा न्युजिल्यान्डविरुद्ध १ सय ४८ बलमा ११ चौका र ५ छक्कासहित १ सय ५० रनको शतकीय इनिङ खेल्दै विश्व कीर्तिमान बनाए । उनले वेष्टइण्डिजका डेसमन्ड हेन्सले सन् १९७८ मा अष्ट्रेलियाविरुद्ध बनाएको १ […]
February 10, 2025
एजेन्सी – केन विलियम्सनको अविजित शतकको सहयोगमा न्युजिल्याण्डले त्रिकोणात्मक ओडीआई सिरिजमा दक्षिण अफ्रिकामाथि ६ विकेटको सानदार जित हात पारेकोछ । पाकिस्तानको लाहोरमा जित्नलाई ३ सय ५ रनको लक्ष्य पछ्याएको न्युजिल्याण्डले ४८.४ ओभरमा ४ विकेट गुमाउँदै पूरा गर्यो । विलियम्सनले १ सय १३ बलमा १३ चौका र २ छक्कासहित १ सय ३३ रनको अविजित इनिङ खेले […]
February 10, 2025
धनगढी (हाम्रो खेलकुद)- अर्जुन ट्रफी टोली विजेता सिवाइसी अत्तरियाका विवेक यादव सर्वोत्कृष्ट खेलाडी घोषित भएका छन्। विवेकलाई १ लाख रुपैयाँ प्रदान गरिएको छ। प्रतियोगिता अवधिभर उनले १ सय ५२ रन बनाउनका साथै १० विकेट लिएका थिए। दोस्रो भएको फ्रेण्डस युथ क्लब डडेल्धुराका कुशल भुर्तेल उत्कृष्ट बलर र उत्कृष्ट ब्याटर दुवै चिनिए। उनले ५ खेलमा १ […]