default_image

11 months ago

September 13, 2023

अष्ट्रेलियामाथि दक्षिण अफ्रिकाको फराकिलो जित

1486 views

0 Bookmark

एजेन्सी – युवा तीव्र गतिका बलर जेराल्ड कोट्जीको उत्कृष्ट बलिङ र एडेन माक्ररमको शतकमा घरेलु टोली दक्षिण अफ्रिकाले तेस्रो ओडिआई खेलमा अष्ट्रेलियालाई १ सय ११ रनको फराकिलो अन्तरले पराजित गरेको छ । पाँच ओडिआई खेलको सिरिजमा दक्षिण अफ्रिका २–१ ले पछिछ ।

जितको लागि ३ सय ३९ रनको विशाल विजयी लक्ष्य पछ्याएको अष्ट्रेलिया ३४.३ ओभरमा २ सय २७ रनमा अल आउट भयो । अष्ट्रेलियाका ओपनर डेविड वार्नरले ५६ बलमा १० चौका र ३ छक्कासहित सर्वाधिक ७८ रनमा आउट भए । वार्नर रन आउट हुन पुगेका थिए ।

ट्रविस हेडले २४ बलमा ६ चौका र १ छक्कासहित ३८ रनमा आउट भए । वार्नर र हेडले मात्रै ७.५ ओभरमा ७९ रन बनाउँदै उत्कृष्ट सुरुवात दिलाएका थिए ।

तर त्यसपछि कुनैपनि ब्याटरले राम्रो गर्न सकेनन् । कप्तान मिचेल मार्श २९, मार्नस लाबुसेन १५, विकेटकिपर एलेक्स केरी १२, मार्कस स्टोइनिस १० र टिम डेविड ८ रनमा आउट भए ।

दक्षिण अफ्रिकाका जेराल्ड कोट्जीले ६.३ ओभरमा ५० रन खर्चेर ४ विकेट लिए । तबरेज शाम्सी र केशव महाराजले २-२ विकेट लिए ।

त्यसअघि सेड्गार्स पार्कमा टस हारेर पहिला ब्याटिङको निम्तो पाएको दक्षिण अफ्रिकाले निर्धारित ५० ओभरमा ६ विकेट गुमाउँदै ३ सय ३८ रन बनाएको थियो । दक्षिण अफ्रिकाको जितमा एडेन माक्ररमले ७४ बलमा ९ चौका र ४ छक्कासहित १ सय २ रनको अविजित शतकीय इनिङ खेलेका थिए ।

ओपनर तथा विकेटकिपर क्विन्टन डि ककले ७७ बलमा १० चौका र २ छक्कासहित ८२ रन जोड्दै राम्रो सुरुवात दिलाएका थिए । कप्तान टेम्बा बभुमा ६२ बलमा ६ चौकासहित ५७ रनमा आउट हुन पुगेका थिए । दक्षिण अफ्रिकालाई ओपनर डि कक र टेम्बा बभुमाले २२।५ ओभरमा १ सय ४६ रनको शतकीय साझेदारी गर्दै उत्कृष्ट सुरुवात दिलाएका थिए ।

डि कक स्पिनर ट्रविस हेडको बलमा डेविड वार्नरबाट क्याच आउट हुन पुगेका थिए । रिजा हेन्ड्रिक्स ४५ बलमा ३ चौकासहित ३९, हेनरिक क्लासेन डक र डेविड मिलर ८ रनमा आउट हुन पुगे । मार्को यानसन १६ बलमा ४ चौका र १ छक्काससहित ३२ रनमा आउट भए ।

अष्ट्रेलियाका पार्टटाइम स्पिनर ट्रविस हेडले १० ओभरमा ३९ रन खर्चेर २ विकेट लिएका थिए । नाथन एलिस, मार्कस स्टोइनिस र तनविर संघाले एक एक विकेट लिए ।

अष्ट्रेलिया पहिलो खेलमा ३ विकेट र दोस्रो खेलमा १ सय २३ रनले विजयी भएको थियो । चौथो खेल शुक्रबार र पाँचौं खेल आइतबार हुनेछ ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.