11 months ago
September 13, 2023
एजेन्सी – इंग्ल्यान्डका मध्यक्रमका ब्याटर बेन स्टोक्सको अद्भुत शतकमा इंग्ल्यान्डले तेस्रो ओडिआई खेलमा न्युजिल्यान्डलाई ३ सय ६९ रनको विशाल लक्ष्य दिएको छ । लन्डनमा टस हारेर पहिला ब्याटिङको निम्तो पाएको इंग्ल्यान्ड ४८.१ ओभरमा ३ सय ६८ रनमा अल आउट भयो ।
इंग्ल्यान्डका बेन स्टोक्सले १ सय २४ बलमा १५ चौका र ९ छक्कासहित १ सय ८२ रनको विष्फोटक शतकीय इनिङ खेले । बेन स्टोक्सको ओडिआई करिअरको चौथो र सर्वोत्कृष्ट प्रदर्शन हो । यसअघि स्टोक्सको ओडिआईमा उच्च प्रदर्शन २०१७ मा अष्ट्रेलियाविरुद्ध १ सय २ रन मात्रै थियो ।
गत जुलाईमा ओडिआईबाट सन्न्यास लिएका थिए । तर विश्वकपको लागि इंग्ल्यान्डले आग्रह गरेपछि सन्न्यास फिर्ता लिएका थिए । यस प्रदर्शनले इंग्ल्यान्डको मनोबल झनै बढ्नेछ ।
स्टोक्स इंग्ल्यान्डबाट ओडिआईमा एकै इनिङमा सर्वाधिक रन बनाउने ब्याटर पनि बनेका छन् । उनले २०१८ मा ओपनर जेसन रोयको अष्ट्रेलियाविरुद्ध १ सय ८० रनको कीर्तिमान तोडे । स्टोक्स बेन लिस्टरको ४५ औं ओभरको तेस्रो बलमा विल याेंगबाट क्याच भएपछि दोहोरो शतकको अवसर गुमाएका थिए ।
ओपनर डेविड मलान ९५ बलमा १२ चौका र १ छक्कासहित ९६ रनमा आउट भए । तेस्रो विकेटका लागि मलान र स्टोक्सले १ सय ९९ रनको साझेदारी गरेका थिए ।
ठूलो सटको चक्करमा अन्य ब्याटर भने सस्तैमा आउट भए । कप्तान जस बटलर २४ बलमा ६ चौका र १ छक्कासहित ३८, लियाम लिभिङस्टोन ११, मोईन अली १२, जो रुट ४ र जोनी बेयरस्टो डक आउट भए ।
न्युजिल्यान्डका ट्रेन्ट बोल्टले ९.१ ओभरमा ५१ रन खर्चेर ५ विकेट लिए । बेन लिस्टरले ९ ओभरमा ६९ रन खर्चेर ३ विकेट लिए । लोकी फर्गुसन र ग्लेन फिलिप्सले एक एक विकेट लिए । चार खेलको ओडिआई सिरिज १-१ को बराबरीमा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]