एजेन्सी – भारतका तीव्र गतिका बलर मोहम्मद शिराजले एसिया कपको फाइनलमा घरेलु टोली श्रीलंकाविरुद्ध एकै ओभरमा चार विकेट लिएका छन् । कोलोम्बोमा टस जितेर पहिला ब्याटिङ रोजेको श्रीलंकाले ४ ओभरमा ५ विकेट गुमाउँदै १२ रन बनाएको छ ।

क्रिजमा कुशल मेन्डिस ५ र दासुन शानका हुनेछन् । श्रीलंकाले पहिलो ओभरको तेस्रो बलमै ओपनर कुशल परेरालाई शून्यमा गुमाएको थियो । तीव्र गतिका बलर जस्प्रित बुमराहको बलमा एज लागेर कुशल विकेटकिपर लोकेश राहुलबाट समातिन पुगेका थिए ।
तीव्र गतिका बलर मोहम्मद शिराजको चौथो ओभरको पहिलो बलमा अर्का ओपनर पाथुम निसंका रविन्द्र जडेजाबाट २ रनमा क्याच आउट भए ।
एक बलपछि सदिरा समराविक्रमालाई शून्यमा एलबीडब्लू आउट गरेपछि भारतले सानदार सुरुवात गरेको थियो । पहिलो बलमै चरिथ असलंका ईशान किशनबाट क्याच आउट भएका थिए ।
ह्याट्रिक बलमा धनन्जय डि सिल्भाले चौका प्रहार गरेका थिए । तर अन्तिम बलमा सिल्भा पनि एज लागेर विकेटकिपरबाट क्याच आउट भएपछि संकटमा पुगेको छ ।

भारतको प्लेइङ-११ :

रोहित शर्मा (कप्तान), शुभमन गिल, विराट कोहली, हार्दिक पान्ड्या, लोकेश राहुल, ईशान किशन, रविन्द्र जडेजा, कुलदीप यादव, वासिन्टन सुन्दर, जस्प्रित बुमराह र मोहम्मद शिराज ।

श्रीलंकाको प्लेइङ-११ :

पाथुम निसांका, कुशल परेरा, कुशल मेन्डिस(विकेटकिपर), सदिरा समाराविक्रमा, चरिथ असलंका, धनन्जय डि सिल्भा, दासुन शानका(कप्तान), दुनिथ वेलालागे, दुशान हेमान्था प्रमोद मदुशान र मथिशा पाथिराना ।