default_image

1 month ago

May 17, 2024

सुदुरपश्चिम ललितपुर मेयर्स कपको फाइनलमा

463 views

0 Bookmark

काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो ।

सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो । बागमतीकी कृष्मा गुरुङले २३ बलमा २ चौका सहित सर्वाधिक १६ रन बनाइन् । अन्य कुनै ब्याटरले दोहोरो अंकमा पनि रन बनाउन नसक्दा बागमती पराजित भयो ।

सुदुरपश्चिमका लागि ऋतु कनोउजियाले ३ विकेट लिँदा कविता जोशी र लक्ष्मी साउदले समान २-२ विकेट लिए । विन्दु रावल र करिश्मा थापाले १-१ विकेट लिए ।

त्यसअघि टस हारेर पहिले ब्याटिङ गर्ने निम्तो पाएको सुदुरपश्चिमले निर्धारित २० ओभरमा २ विकेट मात्र गुमाएर १५७ रन जोड्यो । सुदुरका लागि ओपनर सम्झना खड्काले ४७ बलमा १० चौका प्रहार गर्दै अविजित रहँदै ७४ रन बनाइन् । अर्की ओपनर रुबी पोडार र कप्तान विन्दु रावलले समान २८-२८ रन बनाउँदा कविता जोशी २० रनमा अविजित रहिन् ।

बागमतीका लागि करिश्मा गुरुङले १ विकेट लिइन् ।

सुदुरले ४ खेलमा ६ अंक बटुल्दै दोस्रो भएर फाइनल पुगेको छ । यसअघि एपिएफ सबै खेलमा जित हासिल गर्दै फाइनल पुगिसकेको थियो । ललितपुर मेयर्स-११, कोशी प्रदेश र बागमती प्रदेशले समान २-२ अंक हासिल गरे ।

सिंगल राउण्ड रोबिन प्रणालीमा खेलाईएको यस प्रतियोगिताको फाइनल शनिबार हुँदैछ ।

June 23, 2024

इङ्ल्यान्ड टि ट्वान्टी विश्वकपको सेमिफाइनलमा

एजेन्सी – अमेरिका विरुद्ध सानदार जित दर्ता गर्दै इङ्ल्यान्ड आइसिसी टि ट्वान्टी विश्वकप २०२४ को सेमिफाइनलमा प्रवेश गर्ने पहिलो टोली बनेको छ । इङ्ल्यान्डले आइतबार अमेरिकालाई १० विकेटले हराउँदै अन्तिम चारको यात्रा तय गरेको हो । अमेरिकाले दिएको १ सय १६ रनको लक्ष्य इङ्ल्यान्डले ९.४ ओभरमै कुनै विकेट नगुमाई भेटायो । इङ्ल्यान्डको जितमा कप्तान जस […]

June 23, 2024

अष्ट्रेलियाविरुद्ध अफगानिस्तानको पहिलो जित

एजेन्सी – अष्ट्रेलिया माथि सानदार जित दर्ता गर्दै अफगानिस्तानले आइसिसी टि-ट्वान्टी विश्वकपको सेमिफाइनलमा पुग्ने सम्भावना कायम राखेको छ । आफ्नो इतिहासमा अष्ट्रेलिया विरुद्ध पहिलो जित दर्ता गर्ने क्रममा अफगानिस्तानले शनिबार २१ रनको जित हासिल गरेको हो । अफगानिस्तानको जित पछि सुपर एट समूह १ बाट सेमिफाइनल पुग्ने दौड रोचक बनेको छ । भारतको २ खेलबाट […]

June 22, 2024

बंगलादेशलाई हराउँदै भारत सेमिफाइनल नजिक

एजेन्सी – भारत आइसिसी टि-२० विश्वकपको सेमिफाइनलको निकै नजिक पुगेको छ । सुपर एट चरण अन्तर्गत बंगलादेश माथि ५० रनको फराकिलो जित दर्ता गर्दै भारत सेमिफाइनलको निकै नजिक पुगेको हो । आईतवार बिहान अष्ट्रेलियाले अफगानिस्तान माथि जित दर्ता गरेका भारतको सेमिफाइनलमा स्थान पक्का हुनेछ । सो नतिजा आएमा भारत र अष्ट्रेलिया बीचको खेलले समूह विजेता […]

Success

Thank you for your time.