10 months ago
September 27, 2023
काठमाडौं (हाम्रो खेलकुद) – बायाँ हाते युवा ब्याटर कुशल मल्ल एकै खेलमा नेपालबाट कुनैपनि खेलमा सर्वाधिक रन बनाउने ब्याटर बनेका छन् । मंगोलियाविरुद्ध कुशलले ५० बलमा ८ चौका र १२ छक्कासहित १ सय ३७ रनको सानदार शतकीय इनिङ खेले । यो कुनैपनि नेपाली ब्याटरले कुनैपनि खेलमा बनाएको उच्च योगफल हो ।
यसअघि नेपालबाट एकै खेलमा सर्वाधिक रन बनाउने कीर्तिमान रोहित पौडेलको नाममा थियो । रोहित पौडेलले २०२२ मार्चमा ओडिआई खेलमा पपुवा न्युगिनीविरुद्ध १ सय २६ रन बनाएका थिए । त्यो नै कुनैपनि खेलमा नेपाली ब्याटरले बनाएको उच्च योगफल हो ।
त्यस्तै यू१९ क्रिकेटमा देव खनालले गत फेब्रुअरीमा युएईमा कुवेतविरुद्ध १ सय २५ रन बनाएका थिए । यसअघि नेपालबाट टि२० आईमा एकै खेलमा उच्च रन दीपेन्द्रसिंह ऐरीको नाममा थियो । दीपेन्द्रले २०२२ मा मलेसियाविरुद्ध १ सय १० रन बनाएका थिए ।
कुशलले ३४ बलमै शतक हानेका थिए । टि२० आई इतिहासकै सर्वाधिक छिटो शतक हो । यसअघि टि२० आईमा सर्वाधिक छिटो शतक ३५ बलमा थियो । भारतका रोहित शर्मा, दक्षिण अफ्रिकाका डेविड मिलर र चेकरिपब्लिकनका सुदेश विक्रमशेखरले समान ३५ बलमा शतक हानेका थिए ।
नेपालबाट भने २०१९ मा पारस खड्काले सिंगापुरविरुद्ध ४९ बलमा शतक पूरा गरेका थिए । नेपालबाट ओडिआईमा पनि कुशलकै नाममा छ । कुशलले ओमानविरुद्ध यसै वर्ष ५९ बलमा शतक पूरा गरेका थिए । ओडिआईमा एवि डिभिलियर्सले ३१ बलमै शतक हानेका थिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]