एजेन्सी – एक दिनमै सन्न्यास फिर्ता लिएका बंगलादेशका पूर्व ओडिआई कप्तान तमिम इकबाल अर्को सातादेखी भारतमा सुरु हुने विश्वकपको लागि टोली स्थान बनाउन सकेनन् ।

बंगलादेशले विश्वकप खेल्ने अन्तिम टोली घोषणा गर्दा तमिम समेटिएका छैनन् । गत जुलाईमा उनले भाुवन हुँदै एक्कासी तत्काल लागु हुनेगरि अन्तर्राष्ट्रिय क्रिकेटबाट सन्न्यासको घोषणा गरेका थिए । तर अर्को दिन बंगलादेशकी प्रधानमन्त्री शेख हसिनालाई भेटेपछि सन्न्यास फिर्ता लिएका थिए ।

३४ वर्षीय तमिमले बंगलादेशबाट ७० टेस्ट, २ सय ४३ ओडिआई र ७८ ठि२० आई खेल खेलेका छन् । टेस्टमा उनले १० शतक र ३१ अर्धशतकसहित ५ हजार १ सय ३४ रन बनाएका छन् । ओडिआईमा १४ शतक र ५६ अर्धशतकसहित कुल ८ हार ३ सय ५७ रन बनाएका छन् ।

सन्न्यास पछि उनले यसै साता न्युजिल्यान्डसँग दुई खेल खेल्ने अवसर पाएका थिए । पहिलो खेल वर्षाको कारण रद्द भएको थियो । दोस्रो खेलमा उनले ४४ रन बनाएका थिए । तर बंगलादेशले उनलाई टोलीबाट बाहिर राखेको छ । बंगलादेशले युवा ओपनर तान्जिद हसन तमिमलाई उनको स्थानमा टोलीमा मौका दिएको छ ।

सकिब अल हसनको कप्तानीमा बंगलादेशले युवा खेलाडीलाई प्राथमिकतामा राखेको छ । अनुभवी अलराउन्डर महमुदुल्लाह रियाद टोलीमा फर्किएका छन् । सकिब अल हसन, मुश्फिकुर रहिम र महमुदूल्लाह अनुभवी खेलाडीको रुपमा रहेका छन् ।

पछिल्लो समय सानदार प्रदर्शन गर्दै आएका नाज्मुल हसन सान्टो र तौहिद हृदोय पनि टोलीमा छन् । बंगलादेशले आज श्रीलंकासँग वार्मअप खेल खेल्दैछ । बंगलादेशले अर्को वार्मअप खेल सोमबार खेल्नेछ । विश्वकपमा शनिबार अफगानिस्तानसँग खेल्दै सुरुवात गर्नेछ ।

बंगलादेशको टोली :

सकिब अल हसन (कप्तान), लिटन कुमार दास, तान्दिज हसन तमिम, नाज्मुल हसन सान्टो, तौहिद हृदोय, मुश्फिकुर रहिम, महमूदुल्लाह रियाद, मेहेदी हसन मिराज, नासुम अहमद, शेख मेहेदी हसन, तस्किन अहमद, मुश्ताफिजुर रहान, हसन मोहम्मद, शोरिफुल इस्लाम र तान्जिम हसन सकिब ।